ပခုက္ကူခရိုင် ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့် မြို့ပေါ်ရှိ လူမှုရေးအသင်းအဖွဲ့များပူးပေါင်း၍ ကိုဗစ်-၁၉ ရောဂါ ကြိုတင်ကာကွယ်နိုင်ရေးအတွက် အသိပညာပေးလုပ်ငန်းများကို ယနေ့ နံနက်ပိုင်းတွင် အရှိန်အဟုန်မြှင့် ဆက်လက် ဆောင်ရွက်လျက်ရှိသည်။

မကွေးတိုင်းဒေသကြီး ပွင့်ဖြူမြို့နယ် သာဂရကျေးရွာတွင် ဒေသခံပြည်သူများ သွားလာမှုအဆင်ပြေစေရေးအတွက် အရှည်ပေ ၆၄၀၀ အား မြေနီကျောက်စရစ်လမ်းအဖြစ် အဆင့်မြှင့်တင် ဖောက်လုပ်လျက်ရှိရာ ၈၀ ရာခိုင်နှုန်း ပြီးစီးပြီဖြစ်ကြောင်း ပွင့်ဖြူမြို့နယ် ကျေးလက်ဒေသ ဖွံ့ဖြိုးတိုးတက်ရေးဦးစီးဌာနရုံးမှ သိရသည်။ 

ဧရာဝတီတိုင်းဒေသကြီး  လပွတ္တာမြို့နယ် လျှပ်စစ်အင်ဂျင်နီယာရုံးတွင် လျှပ်စစ်မီတာခ လာရောက်ပေးဆောင်ရာ၌ လူစုလူဝေး မဖြစ်ပေါ်စေရေးအတွက် လက်ဆေးရန် စီစဉ်ပေးထားခြင်း၊ တစ်ဦးနှင့်တစ်ဦး ၃ ပေ အကွာထားရှိခြင်း၊ အလှည့်ကျ မီတာခပေးဆောင်နိုင်ရေး ကိစ္စများကို ဆောင်ရွက်ထားရှိကြောင်း သိရသည်။ 

ပဲခူးတိုင်းဒေသကြီး ကိုဗစ်-၁၉ ရောဂါ ကာကွယ်ထိန်းချုပ်ကုသရေး ကြီးကြပ်မှုကော်မတီသို့ ယနေ့ မွန်းလွဲပိုင်းက အလှူရှင်အသီးသီးမှ အလှူငွေများ လာရောက်လှူဒါန်းခဲ့ကြောင်း သိရသည်။

ရှမ်းပြည်နယ် ပြည်သူလူထု စားနပ်ရိက္ခာ ထောက်ပံ့ရေးကော်မတီမှတစ်ဆင့် မြန်မာနိုင်ငံ တိုင်းဒေသကြီးနှင့် ပြည်နယ်အသီးသီးရှိ တိုက်နယ်ဆေးရုံများ၊ ကျေးလက်ဆေးပေးခန်းများနှင့် ကျန်းမာရေး စောင့်ကြည့်စခန်းများအရောက် နေ့စဉ်လှူဒါန်းလျက်ရှိရာ ဧပြီလ ၂၀ ရက်နေ့တွင် ရှမ်းပြည်နယ် အရှေ့ပိုင်း မိုင်းတုံမြို့အတွက် PPE Medical ၂ စုံ PPE Normal ၁၀ စုံ ၊ Hand Gel 180 ml ၅၀လုံး ၊ လက်သန့်ဆေးရည် 20L ၂ လုံး၊ မျက်မှန် ၅ လက်၊ Mask ၅၀ဝ ခု၊ Thermometer ၁ ခု၊ ကြက်ဉအလုံး ၅၀ဝ ကိုလည်းကောင်း၊ တောင်ကြီးခရိုင်အတွင်းရှိ ကလောမြို့နယ်၊ ရွာငံမြို့နယ်နှင့် ဖယ်ခုံမြို့နယ် ကယန်းကျေးရွာနှင့် ပင်လုံမြို့နယ်အတွက် ကြက်ဥအလုံး ၁၂၀ဝ၀ ကိုလည်းကောင်း၊ မေတ္တာရှင် Quarantine စခန်းနှင့် စမ်းလပမာမိဘမေတ္တာ ပရဟိတဂေဟာအတွက် နှင့် အခြား ထောက်ပံ့ ပစ္စည်းများနှင့် အေးသာယာအခြေခံအကျဆုံး ရပ်ကွက်အတွင်းရှိ အိမ်ထောင်စု ၂၀ဝ အတွက် ကြက်ဥအလုံး ၂၀ဝ၀ ကိုလည်းကောင်း၊ ဥတ္တရာရုံကျောင်းတိုက်၊ ကံဉီးကျောင်းတိုက်၊ မြို့ဦး ကျောင်းတိုက်နှင့် မင်းကွန်းကျောင်းတိုက်များသို့ ကြက်ဥအလုံး ၂၁၀ဝ လုံးကိုလည်းကောင်း၊ သနပ်ခါးကျေးရွာ၊ နောင်ကားကျေးရွာ၊ ဥမင်ကျေးရွာနှင့် နမ့်စန်မြို့၊ တောင်လေးလုံး စစ်ဆေးရေးဂိတ် နှင့် ဒက္ခိဏာရာမကျောင်းတိုက် ရွှေညောင်မြို့များ အတွက် HandGel၊ ကြက်ဥနှင့် ကာကွယ်-ထောက်ပံ့ရေးပစ္စည်းများကိုလည်းကောင်း ပေးအပ်လှူဒါန်းခဲ့

ကိုဗစ်-၁၉ ရောဂါ ကူးစက်ပြန့်ပွားမှုကို ထိန်းချုပ်နိုင်ရေးနှင့် ကြိုတင်ကာကွယ်နိုင်ရေးအတွက် မြန်မာ့ စီးပွားရေးဘဏ် (မြိတ်)ဘဏ်ခွဲ၌ ဧပြီလ(၂၁)ရက် နံနက်ပိုင်းမှစတင်ကာ ပင်စင်လာရောက ထုတ်ယူ သူများအား  စနစ်တကျလက်ဆေးစေခြင်း၊ ကိုယ်အပူချိန်တိုင်း ကိရိယာဖြင့် ကျန်းမာရေး စစ်ဆေးခြင်းနှင့် လူစုလူဝေး မဖြစ်စေရေး  ဆောင်ရွက်လျက်ရှိ