မွန်ပြည်နယ်၊ သထုံခရိုင်၊ မြန်မာ့စီးပွားရေးဘဏ်တွင် ပင်စင်စားပြည်သူများ ယနေ့ နံနက်မှစတင်ကာ ပင်စင်လစာ လာရောက်ထုတ်ယူလျက်ရှိပြီး လူစုလူဝေးများ မဖြစ်ပေါ်စေရေးနှင့် ကိုဗစ်-၁၉ ရောဂါ ကာကွယ်ရေးအတွက် စနစ်တကျ စီစဉ်ဆောင်ရွက်ထားကြောင်း သိရသည်။

တရုတ်အမျိုးသား ရေနံကော်ပိုရေးရှင်း(CNPC)က မြန်မာနိုင်ငံ ကိုဗစ်-၁၉ ရောဂါ ကာကွယ်ထိန်းချုပ်ကုသရေး လုပ်ငန်းစဉ်များတွင် အသုံးပြုရန်အတွက် ပြန်ကြားရေး ဝန်ကြီးဌာနသို့ နှာခေါင်းစည်း ၆၀၀၀ နှင့် ပိုးသတ်ဆေးရည်၊ ဆပ်ပြာရည် စသည့် ကူးစက်ရောဂါကာကွယ်ရေး အထောက်အကူပြုပစ္စည်းများ လှူဒါန်းခဲ့သည်။ 

ရှမ်းပြည်နယ် ပလောင်ကိုယ်ပိုင်အုပ်ချုပ်ခွင့်ရဒေသ နမ့်ဆန်မြို့နယ် မြန်မာ့စီးပွားရေးဘဏ်၌ ယနေ့ နံနက် ၁၀ နာရီက ပင်စင်လစာထုတ်ယူသူများအား ကိုဗစ်-၁၉ ရောဂါ ကြိုတင်ကာကွယ်နိုင်ရေးအတွက် ကြိုတင်စီမံ ဆောင်ရွက်ထားရှိကြောင်း သိရသည်။

နေပြည်တော်၌ ကိုဗစ်-၁၉ ရောဂါ ကြိုတင်ကာကွယ်ရေးအတွက် နေပြည်တော်စည်ပင်ဧည့်ရိပ်သာနှင့် ဘောဂသီရိ အဝေးပြေးယာဉ်ရပ်နားစခန်းတို့၌ ပိုးသတ်ဆေးဖျန်းလုပ်ငန်းများကို ယနေ့နံနက်ပိုင်းတွင် နေပြည်တော်တိုင်းစစ် ဌာနချုပ်မှ အရာရှိ၊ စစ်သည်များနှင့် နေပြည်တော် မီးသတ်ဦးစီးမှူးရုံးမှ တပ်ဖွဲ့ဝင်များ စုပေါင်းဆောင်ရွက်ကြသည်။