ဖလမ်း ၃ ဇူလိုင် 

 

အိန္ဒိယနိုင်ငံ၌ သင်တန်းတက်ရောက်ပြီး ပြန်လည်ရောက်ရှိလာသည့် အရာရှိ၊ စစ်သည်များ အနက်မှ စစ်သည် နှစ်ဦးတွင် COVID-19 ရောဂါပိုး ထပ်မံတွေ့ရှိကြောင်း တပ်မ‌တော်သတင်းမှန် ပြန်ကြား ရေးအဖွဲ့၏ သတင်းထုတ်ပြန်ချက်အရ သိရသည်။

၂၀၂၀ ပြည့်နှစ်၊ ဇူလိုင်လ(၃)ရက်နေ့တွင် ကျရောက်သော မြန်မာအမျိုးသမီးများနေ့ကို Online အခမ်းအနားအဖြစ် ယနေ့နံနက်ပိုင်းတွင် လူမှုဝန်ထမ်း၊ ကယ်ဆယ်ရေးနှင့် ပြန်လည် နေရာချထားရေးဝန်ကြီးဌာန အစည်းအဝေးခန်းမ၌ ကျန်းမာရေးနှင့်အားကစားဝန်ကြီးဌာနမှ ထုတ်ပြန်ထားသည့် ကိုဗစ်-၁၉ ဆိုင်ရာလမ်းညွှန်ချက်များနှင့်အညီ ကျင်းပသည်။ 

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနသည် ကိုဗစ်-၁၉ ကာလအတွင်း လမ်းပေါ်နေကလေးနှင့် မိသားစုများ ကြုံတွေ့နေရသော အခက်အခဲတို့ကို ကူညီဖြေရှင်းရန်နှင့် လိုအပ်သည့်အကာအကွယ်နှင့် ဝန်ဆောင်မှုများပေးနိုင်ရန် ရည်ရွယ်၍ လုပ်ငန်း စီမံချက်တစ်ရပ်ရေးဆွဲကာ အကောင်အထည်ဖော်ဆောင်ရွက်လျက်ရှိသည်။