ရန်ကုန်တိုင်းဒေသကြီး လူမှုဖူလုံရေးရုံး အဆောက်အဦ(မြေညီထပ်)အား မွမ်းမံပြင်ဆင်၍ အထူးကုဆေးခန်း ဆောင်ရွက်မည့် လုပ်ငန်းစဉ် ရှင်းလင်းတင်ပြခြင်း အခမ်းအနားကျင်းပ
လူမှုဖူလုံရေးအဖွဲ့တွင် အကျုံးဝင်မှတ်ပုံတင်ထားသည့် အာမခံအလုပ်သမားများနှင့် ဒေသခံပြည်သူများကို ကျန်းမာရေးစောင့်ရှောက်မှု ဆောင်ရွက်ပေးသွားနိုင်ရန်အတွက် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန၊ လူမှုဖူလုံရေးအဖွဲ့၏ ရန်ကုန်တိုင်းဒေသကြီး၊ ကျောက်တံတားမြို့နယ်၊ မဟာဗန္ဓုလ ပန်းခြံလမ်းရှိ တိုင်းဒေသကြီး လူမှုဖူလုံရေးရုံး အဆောက်အဦ (မြေညီထပ်)အား မွမ်းမံပြင်ဆင်၍ အထူးကုဆေးခန်းအဖြစ် ဆောင်ရွက်မည့် လုပ်ငန်းစဉ် ရှင်းလင်းခြင်း အခမ်းအနားကို ယနေ့ နံနက်ပိုင်းက အဆိုပါ တိုင်းဒေသကြီး လူမှုဖူလုံရေးရုံး၌ ပြုလုပ်သည်။
