ဆေးလိပ်ငွေ့ကင်းစင် ရှမ်းပြည်တစ်ခွင် လှုပ်ရှားမှုအဖြစ် လူထုစက်ဘီးစီးပွဲကို ယနေ့ နံနက် ၆ နာရီက ရှမ်းပြည်နယ်(အရှေ့ပိုင်း) တာချီလိတ်မြို့တွင် ကျင်းပခဲ့သည်။

ရှမ်းပြည်နယ်(အရှေ့ပိုင်း)အတွင်းရှိ မျက်စိဝေဒနာရှင်ပြည်သူများအား အခမဲ့ မျက်စိခွဲစိတ်ကုသမှုများကို သီတဂူဆရာတော်ကြီး၏ အစီအစဉ်ဖြင့် ပြည်တွင်းပြည်ပမှ မျက်စိအထူးကုဆရာဝန်ကြီးများက  ဖေဖော်ဝါရီ ၂၉ ရက်မှ မတ် ၃ ရက်အထိ ကျိုင်းတုံမြို့ အမှတ်(၃) တပ်မတော်ဆေးရုံ ခုတင်(၃၀၀)၌ ဆောင်ရွက်ပေးသွားမည်ဖြစ်ကြောင်း သိရသည်။

ပဲခူးတိုင်းဒေသကြီး သာယာဝတီခရိုင် အမျိုးသမီးရေးရာအဖွဲ့ဥက္ကဋ္ဌနှင့် အဖွဲ့သည် ယနေ့မွန်းလွဲ ၁ နာရီက ကြို့ပင်ကောက်မြို့နယ်အတွင်းရှိ အိမ်တွင်းမှုလုပ်ငန်းများတွင် လုပ်ကိုင်ဆောင်ရွက်နေကြသော အမျိုးသမီးငယ်များ၏ ဘဝတိုးတက်ရေးနှင့် ရပိုင်ခွင့်များ အပြည့်အဝရရှိစေရေးအတွက် ကွင်းဆင်းဆောင်ရွက်ခဲ့သည်။

ကယားပြည်နယ်၊ ဘောလခဲခရိုင်၊ မယ်စဲ့မြို့နယ်တွင် ယမန်နေ့မွန်းလွဲ ၂ နာရီခန့်က မယ်စဲ့မြို့နှင့် ပန်တိန်းကျေးရွာအကြား ရင်ကွဲတောင်အနီး လျှိုထဲရှိ သစ်ပင်သုံးပင်သည် ဆွေးမြေ့၍ ဖားဆောင်း-မယ်စဲ့ ၃၃ ကေဗွီ ဓာတ်အားလိုင်းပေါ်သို့ လဲကျသဖြင့် မယ်စဲ့မြို့နယ်အတွင်း၌ လျှပ်စစ်ဓာတ်အား ပြတ်တောက်ခဲ့ကြောင်း မြို့နယ်လျှပ်စစ်အင်ဂျင်နီယာ ဦးအောင်ကျော်စန်းထံမှ သိရှိရသည်။

ဦးသန်းထွန်းအောင် ဦးဆောင်သော Lesswalk.org အဖွဲ့အစည်းမှ ကဝမြို့အတွင်း ကျေးရွာ(၉)ရှိ အခြေခံပညာကျောင်းများမှ ကျောင်းသား/ကျောင်းသူများအတွက် စက်ဘီးအစီးရေ ၄၅၀ ကို လှူဒါန်းပေးရန် စီစဉ်လျက်ရှိပြီး လက်ရှိတွင်လည်း လှူဒါန်းပေးလျက်ရှိကြောင်း သိရသည်။

ကရင်ပြည်နယ်၊ မြဝတီမြို့ သောင်းရင်းခန်းမတွင် ကိုယ်ဝန်ဆောင်မိခင်များနှင့် ၎င်းတို့မှ မွေးဖွားလာသော အသက်(၂)နှစ်အောက် ကလေးသူငယ်များအား ၂၀၁၉-၂၀၂၀ ဘဏ္ဍာနှစ် ပထမအကြိမ် ထောက်ပံ့ကြေးငွေများ ပေးအပ်ခြင်းအခမ်းအနားကို ယမန်နေ့ညနေ ၄ နာရီက ကျင်းပခဲ့သည်။