ဆောက်လုပ်ရေးဝန်ကြီးဌာန၊ လမ်းဦးစီးဌာနမှ တိုင်းဒေသကြီးနှင့် ပြည်နယ်များရှိ လမ်း/တံတား အသုံးပြုခ ကောက်ခံမှု နှုန်းထားများအား ဇွန် ၁ ရက်မှ နိုဝင်ဘာ ၃၀ ရက်အထိ ၅၀ ရာခိုင်နှုန်း ဖြေလျော့ကောက်ခံသွားမည်ဖြစ်ရာ ကရင်ပြည်နယ်အတွင်းရှိ တံတား(၄)စင်းတွင် အသုံးပြုခနှုန်းထား ဖြေလျော့ကောက်ခံနိုင်ရေး ဆောင်ရွက်လျက် ရှိကြောင်း ပြည်နယ်လမ်းဦးစီးဌာနမှူးရုံးမှ သိရသည်။

ကချင်ပြည်နယ် သစ်တောဦးစီးဌာနနှင့် အပြည်ပြည်ဆိုင်ရာ တောရိုင်းတိရစ္ဆာန်နှင့် သဘာ၀အပင်အဖွဲ့-မြန်မာ (FFI) တို့၏ ပူးပေါင်းကူညီပံ့ပိုးမှုဖြင့် ကချင်ပြည်နယ်အတွင်းရှိ မြစ်ကြီးနား၊ ဝိုင်းမော်၊ မိုးညှင်း၊ မိုးကောင်းမြို့နယ်တို့၌ ယခုနှစ်မိုးရာသီတွင် သစ်ပင် ၆၀၀၀၀၀ ကျော် စိုက်ပျိုးသွားမည်ဖြစ်ကြောင်း၊ ထိုသို့စိုက်ပျိုးရာတွင် သစ်တောအသုံးပြုသူ အဖွဲ့ဝင်ဦးရေ (၂၅၄၅) ဦး ပါသော အဖွဲ့ ၅၀ က ပျိုးပင် စုစုပေါင်း  ၆၃၀၀၀၀ ကျော်အား ဒေသခံပြည်သူအစုအဖွဲ့ပိုင် သစ်တောဧရိယာများတွင် စိုက်ပျိုး သွားမည်ဖြစ်ကြောင်းFFI မှ သိရသည်။

ရှမ်းပြည်နယ်အရှေ့ပိုင်းအတွင်း ကိုဗစ်-၁၉ ရောဂါကာကွယ်ရေးအတွက် အထောက်အကူပြုစေသော ငွေကျပ် ၈၅ သိန်းတန်ဖိုးရှိ လက်ဆေးဘေစင် (၁၀၀)ခုကို UNICEFF တောင်ကြီးရုံးခွဲက ယနေ့ နံနက်ပိုင်းက ကျိုင်းတုံခရိုင် ကိုဗစ်-၁၉ ရောဂါကာကွယ်ရေးနှင့် ရန်ပုံငွေရှာဖွေရေးအဖွဲ့သို့ လှူဒါန်းခဲ့ကြောင်း သိရသည်။

နေပြည်တော်   ၂၉  မေ

 

Coronavirus Disease 2019 (COVID-19) ကာကွယ်၊ ထိန်းချုပ်၊ ကုသရေး အမျိုးသားအဆင့် ဗဟိုကော်မတီသို့ အလှူရှင်များက ယနေ့မွန်းလွဲပိုင်းတွင် အလှူငွေများ လာရောက်လှူဒါန်းရာ ကျန်းမာရေးနှင့် အားကစား ဝန်ကြီးဌာန၊ ဒုတိယဝန်ကြီး ဒေါက်တာမြလေးစိန် က လက်ခံသည်။