မန္တလေးတိုင်းဒေသကြီး၊ ညောင်ဦးမြို့နယ် ထန်းပေါက်ရုံကျေးရွာ အခြေခံပညာ မူလတန်းကျောင်းတွင် သောက်သုံးရေ အခက်ကြုံတွေ့နေကြောင်း သိရသဖြင့် မေ ၂၅ ရက် ၊ မွန်းလွဲ ၁ နာရီက ညောင်ဦးမြို့၊ မြင့်မြတ်သူ စေတနာ သွေးလှူရှင်နှင့် လူနာတင်ယာဉ် ကူညီမှုအသင်းမှ ဦးအောင်ငြိမ်း ဦးဆောင်သော ပရဟိတအသင်းသားများက ရေသယ်ယာဉ်တစ်စီးဖြင့် သောက်သုံးရေဂါလန် ၃၂၀၀ အား ထောက်ပံ့လှူဒါန်းပေးခဲ့ကြောင်း သိရသည်။ 

မန္တလေးတိုင်းဒေသကြီး အစိုးရက ပြည်သူများ နှာခေါင်းစည်း တပ်ဆင်ရေးအတွက် အသိပညာပေးလုပ်ငန်းများ ဆောင်ရွက်ပြီးနောက် အရေးယူမှုများကို သက်ဆိုင်ရာအဖွဲ့များဖြင့် ပူးပေါင်းဆောင်ရွက်လျက်ရှိရာ မန္တလေးခရိုင်အတွင်းရှိ မြို့နယ် (၇) မြို့နယ်တွင် မေ ၉ ရက်မှ မေ ၂၄ ရက်အထိ နှာခေါင်းစည်းမတပ်ဘဲ ပြင်ပသို့သွားလာသူ (၁၀၈၈၅) ဦးအား အရေးယူထားကြောင်း မန္တလေးခရိုင် အထွေထွေအုပ်ချုပ်ရေးဦးစီးဌာန မှ ခရိုင်အုပ်ချုပ်ရေးမှူး ဦးအောင်မွန်လတ် ထံမှ သိရသည်။

မိုးရာသီ အကြိုကာလတွင် မန္တလေးမြို့၏ ရာသီပေါ် အစားအစာအဖြစ် ထွက်ရှိလာသည့် မိုးပုရစ်များ ဈေးကွက်သို့ စတင်ဝင်ရောက်လျက်ရှိရာ နှစ်သက်စွာ ဝယ်ယူစားသုံးမှုများပြားသဖြင့် အရောင်းအဝယ်သွက် လျက်ရှိကြောင်း မန္တလေးမြို့ အောင်မြေသာစံမြို့နယ်ရှိ ပုရစ်ဈေးကွက်မှ သိရသည်။

ပြည်တွင်း မတ်ပဲနှင့် ပဲစင်းငုံစျေး အနည်းငယ်ပြန်ကျကြောင်း မြန်မာနိုင်ငံ ပဲမျိုးစုံနှင့် နှမ်းကုန်သည်များအသင်း အတွင်းရေးမှူး ဦးမင်းကိုဦး က မေ ၂၅ တွင် ပြောသည်။

နေပြည်တော် ၂၅ မေ

 

ရှမ်းပြည်နယ် (အရှေ့ပိုင်း) တာချီလိတ်မြို့ရှောင်လမ်း ဖောက်လုပ်ရာတွင်ပါဝင်သွားသော မြေယာများ အတွက် တောင်သူများအား လျော်ကြေးငွေပေးအပ်ခြင်းကို မေ ၂၅ ရက် နံနက် ၁၀ နာရီအချိန် ခရိုင်အထွေထွေ အုပ်ချုပ်ရေး ဦးစီးဌာနရုံးခန်းမ၌ ကျင်းပပြုလုပ်ခဲ့