ကရင်ပြည်နယ်၊ ဘားအံမြို့နယ်တွင် ကျေးရွာများဖွံ့ဖြိုးရေးအတွက် လမ်းပန်းဆက်သွယ်ရေး ကောင်းမွန်စေရေး ဆောင်ရွက်လျက် ရှိရာ ရသေ့ပျံ-အလဝံကုန်း-ပန်းကုန်း ကျေးရွာချင်းဆက် ကွန်ကရစ်လမ်းကို မိုးရာသီမတိုင်ခင် အပြီးဆောင်ရွက်သွားမည် ဖြစ်ကြောင်း သိရသည်။

ရှမ်းပြည်နယ်(အရှေ့ပိုင်း)၊ ကျိုင်းတုံမြို့၌ ကိုဗစ်-၁၉ ကာလအတွင်း ပြည်သူများ ခရီးသွားလာရာ၌ ရောဂါကူးစက်မှု မရှိစေရေးအတွက် ရည်ရွယ်၍ မော်တော်ယဉ်များ ပိုးသတ်ဆေးဖျန်းခြင်းကို ယနေ့ နံနက် ၈ နာရီတွင် အမှတ်(၁) ရပ်ကွက် ယန်းခမ်းယာဉ်ရပ်နားစခန်းတွင် ဆောင်ရွက်ခဲ့သည်။

ပဲခူးတိုင်းဒေသကြီး သာယာဝတီခရိုင် ကြို့ပင်ကောက်မြို့တွင် မေ ၁၇ ရက်နှင့် ၁၈ ရက်နေ့က တိုက်ခတ်ခဲ့သော လေပြင်းကြောင့် ပျက်စီးဆုံးရှုံးခဲ့သော အိမ်ထောင်စုများအား တိုင်းဒေသကြီး ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာနမှ ထောက်ပံငွေနှင့် ပစ္စည်း ၁၆ မျိုးတို့ကို ယနေ့ နံနက်ပိုင်းက မြို့နယ် အထွေထွေအုပ်ချုပ်ရေး ဦးစီးဌာနရုံးတွင် ထောက်ပံ့ပေးအပ်ခဲ့သည်။

ပြင်ဦးလွင်မြို့နယ်အတွင်း ကိုဗစ်-၁၉  ရောဂါကြိုတင်ကာကွယ် ထိန်းချုပ်ကာလများတွင် ယာယီပိတ်ထားသည့်   ပြင်ဦးလွင် မြို့မဈေးကြီးအား  ယနေ့ နံနက် ၆ နာရီခွဲမှ  မွန်းလွဲ ၃ နာရီအထိ ကျန်းမာရေးညွှန်ကြားချက်နှင့်အညီ  လိုက်နာရန် ရောင်းသူ/ဝယ်သူများအား အသိပညာပေးလုပ်ငန်းများ ဆောင်ရွက်ပြီး စတင်ဖွင့်လှစ်ရောင်းချလျက် ရှိသည်။ 

မြန်မာနိုင်ငံအနေဖြင့် မိုးကြိုကာလများဖြစ်သော မတ်လ၊ ဧပြီလနှင့် မေလများအတွင်း လေပြင်းတိုက်ခတ်ခြင်း၊ မိုးတိမ်တောင်များဖြစ်ပေါ်ခြင်း၊ မိုးကြိုးပစ်ခြင်း၊ မိုးသီးကြွေခြင်းများ ဖြစ်ပေါ်လေ့ရှိပြီး ယခုနှစ်တွင်လည်း လေပြင်းတိုက်ခတ်မှုများ ဖြစ်ပွားလျက်ရှိသည်။