ချင်းပြည်နယ်အတွင်း ကိုဗစ်-၁၉ ရောဂါ ကာကွယ်၊ ထိန်းချုပ်၊ ကုသနိုင်ရေးအတွက် ဟားခါးမြို့ဝင်၊ မြို့ထွက် နေရာများတွင် ကျန်းမာရေးစောင့်ကြည့်စစ်ဆေးမှုများကို ဆောင်ရွက်လျက်ရှိကြောင်း သိရသည်။

မကွေးတိုင်းဒေသကြီး ပွင့်ဖြူမြို့နယ် ကြက်ခြေနီအသင်းခွဲရုံးမှ မြို့နယ်အတွင်း ကိုဗစ်-၁၉ ရောဂါ ကာကွယ် ထိန်းချုပ်နိုင်ရေး အတွက် ယနေ့ နံနက် ၁၀ နာရီခွဲက ပွင့်ဖြူမြို့နယ် အင်းကုန်းကျေးရွာ၊ လယ်မကျေးရွာနှင့် ဆင်လူးကျေးရွာရှိ ကျေးရွာကြက်ခြေနီ အသင်းခွဲရုံးများသို့ သွားရောက်ပြီး ကျန်းမာရေးအထောက်အကူပြုပစ္စည်းများ ထောက်ပံ့ပေးအပ်ခဲ့ကြောင်း သိရသည်။ 

မန္တလေးတိုင်းဒေသကြီး ကျောက်ပန်းတောင်းမြို့နယ်နှင့် ငါ့သရောက်မြို့တို့တွင် ယခုနှစ် ဆီးသီးပေါ်ချိန် ဆီးသီးဈေး ကောင်းမွန်ခြင်းကြောင့် ဆီးသီးတစ်တင် လေးထောင်ကျပ်ထိပေးဝယ်ရကာ ဆီးသီးအဆံ ကြိတ်ခွဲလုပ်ငန်းအား လုပ်ကိုင်နေရကြောင်း ငါ့သရောက်မြို့မှ ဆီးသီးဆန်လုပ်ငန်းရှင် ဦးကျော်အောင်ထံမှ သိရသည်။

ကိုဗစ်-၁၉ ရောဂါ ကြိုတင်ကာကွယ်ရေးအတွက် ပိုးသတ်ဆေးဖျန်းခြင်ကို ယနေ့ နံနက် ၁၁ နာရီက ဆင်ပေါင်ဝဲမြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာနရုံး၊ ပြည်သူ့စာကြည့်တိုက်၊ လူထုအခြေပြုဗဟိုဌာနနှင့် မြန်မာ့စီးပွားရေးဘဏ် တို့တွင် ဆောင်ရွက်ခဲ့ကြောင်း သိရသည်။

အလယ်ပိုင်းတိုင်းစစ်ဌာချုပ်မှ  မိတ္ထီလာအထွေထွေရောဂါကု ဆေးရုံကြီးသို့  တစ်ကိုယ်ရေကာကွယ်ရေး ဝတ်စုံ ၂၀၀ နှင့် နှာခေါင်းစည်း ၃၀၀၀ ပေးအပ်လှူဒါန်းပွဲကို ယနေ့ နံနက် ၉ နာရီခွဲက အဆိုပါဆေးရုံကြီးရှိ အစည်းအဝေးခန်းမတွင် ပေးအပ်ခဲ့ကြောင်း သိရသည်။