ရှမ်းပြည်နယ်အရှေ့ပိုင်း၊ တာချီလိတ်ခရိုင်၊ ကျိုင်းလပ်မြို့၌ ဧပြီ ၂၂ ရက်က ဖြစ်ပွားခဲ့သည့် လေပြင်းတိုက်ခတ်မှုကြောင့် နမ့်ဆီးကျေးရွာနှင့် နမ့်ငေါ့ကျေးရွာများရှိ ပျက်စီးသွားသည့် နေအိမ်များမှ လေဘေးသင့် ပြည်သူများအတွက် ‌လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာန တာချီလိတ်မြို့နယ် ဦးစီးမှူးရုံးမှ တာဝန်ရှိသူများသည် ဧပြီ ၂၅ ရက် နံနက် ၁၀ နာရီက ကျိုင်းလပ်မြို့အုပ်ချုပ်ရေးမှူး၊ အလင်းရောင်ပရဟိတ လူမှုကူညီရေးအသင်းနှင့်အတူ ကယ်ဆယ်ရေးပစ္စည်းနှင့် ထောက်ပံ့ငွေများကို သွားရောက်ပေးအပ်ခဲ့ကြောင်း သိရသည်။

ကိုဗစ်-၁၉ ရောဂါ ကြိုတင်ကာကွယ်ရေးအတွက် ပိုးသတ်ဆေးဖျန်းခြင်းလုပ်ငန်းကို ယနေ့ မွန်းလွဲပိုင်းက ရှမ်းပြည်နယ်အရှေ့ပိုင်း မိုင်းယောင်းမြို့နယ်အတွင်း ဆောင်ရွက်ခဲ့သည်။

ကိုဗစ်-၁၉ ရောဂါ ကာကွယ်နိုင်ရန်အတွက် ကျန်းမာရေးနှင့် အားကစားဝန်ကြီးဌာနသို့ ကိုရီးယားသမ္မတနိုင်ငံ အခြေစိုက် Shinhan Financial  Group  မှ (COVID-19) Test Kits နှင့် Personal Protective Equipment (PPE)များ ပေးအပ်လှူဒါန်းပွဲ အခမ်းအနားကို ယနေ့ နံနက် ၁၀ နာရီက ရန်ကုန်မြို့ ဒဂုံမြို့နယ် ဇီဝကလမ်း အမှတ်(၅)ရှိ ဆေးသုတေသနဦးစီးဌာန(ရုံးချုပ်) အစည်းအဝေးခန်းမ၌ ပြုလုပ်သည်။ 

ရှမ်းပြည်နယ် ပြည်သူလူထုစားနပ်ရိက္ခာ ထောက်ပံ့ရေးကော်မတီသို့ အလှူငွေ၊ ရိက္ခာနှင့် ကျန်းမာရေး အထောက်အကူပြု ပစ္စည်းများလှူဒါန်းလျက်ရှိရာ ယနေ့တွင် ရတနာမြိုင်ဆောက်လုပ်ရေး (ရန်ကုန်မြို့)မှ ငွေကျပ် (၂၅)သိန်း၊ ဦးမောင်မောင်ထွေး+ မထွေးငယ် မိသားစုမှ ကြက်သွန်နီ ၁၀ ပိဿာ ၇ အိတ်နှင့် ကုလားပဲခြမ်း ၁ အိတ်၊ ဦးခွန်နေမျိုး+ဒေါ်နန်းခမ်းဗီး မိသားစုမှ အလှူငွေကျပ် (၁) သိန်း၊ မနန်းခမ်းအူမှ ငွေကျပ်(၁)သိန်း၊ ဦးမျိုးနိုင်+ ဒေါ်သန်းသန်းအေး (အေးသူဇာ စားသုံးဆီရောင်းဝယ်ရေးမိသားစု) မှ PPE Normal ၃၀ စုံနှင့် ဦးဇော်ဇော်ဦး+ ဒေါ်သက်သက်နွယ် မိသားစုမှ ကော်မတီရုံးခန်းတွင် အသုံးပြုရန်အတွက် ငွေကျပ် ၆၇၁၀၀၀ တန်ဖိုးရှိ ရုံးသုံးပစ္စည်း များကို အသီးသီး လာရောက်လှူဒါန်းခဲ့ကြောင်း သိရသည်။

ချင်းပြည်နယ်၊ ရေဇွာမြို့တွင် ၂၀၁၉-၂၀၂၀ ဘဏ္ဍာရေးနှစ်အတွင်း ဆောင်ရွက်လျက်ရှိသည့် ဒေသဖွံ့ဖြိုးရေးလုပ်ငန်းများ ဆောင်ရွက်ပြီးစီးမှု အခြေအနေများကို ယနေ့ မွန်းလွဲ ၃ နာရီက မင်းတပ်ခရိုင် စီမံခန့်ခွဲမှုကော်မတီဥက္ကဋ္ဌ ဦးမောင်ထူးနှင့် တာဝန်ရှိသူများက ကွင်းဆင်းစစ်ဆေးခဲ့သည်။

တနင်္သာရီတိုင်းဒေသကြီး မြိတ်ခရိုင်၌ ကိုဗစ်-၁၉ ကာကွယ်ထိန်းချုပ်ရေး လုပ်ငန်းများ အရှိန်အဟုန်မပျက် ဆက်လက်ဆောင်ရွက်နိုင်ရေအတွက် ဧပြီ (၂၅) ရက် နံနက် (၁၁) နာရီက မြိတ်ခရိုင် အထွေထွေအုပ်ချုပ်ရေး ဦးစီးဌာန ကျွန်းရတနာ အစည်းအဝေးခန်းမတွင် တိုင်းဒေသကြီး ကိုဗစ်-၁၉ ထိန်းချုပ်ရေးနှင့် အရေးပေါ်တုန့်ပြန်ရေး ကော်မတီနှင့် လွှတ်တော်ကိုယ်စားလှယ်များ၊ ခရိုင်/မြို့နယ် ကော်မတီ တွေ့ဆုံဆွေးနွေးခဲ့ကြသည်။