COVID - 19 ရောဂါကာကွယ်ရေးအတွက် ရန်ကုန်တိုင်းဒေသကြီး ပန်းဘဲတန်းမြို့နယ်ရှိ ဗိုလ်ဆွန်ပက်လမ်းနှင့် လမ်း(၃၀)အထက် ဘလောက်တို့တွင် ယနေ့ မွန်းလွဲ ၂ နာရီမှစတင်၍ ရေဖျန်းခြင်းနှင့် ပိုးသတ်ဆေးဖျန်းခြင်း လုပ်ငန်းများကို ဆောင်ရွက်ခဲ့သည်။

ရေးမြို့နယ်တွင် မြို့နယ်အဆင့် COVID-19 ရောဂါ ကာကွယ်ရေးထိန်းချုပ်ရေးနှင့် ကုသရေးလုပ်ငန်းကော်မတီ၊ မြို့နယ်စည်ပင်သာယာရေးအဖွဲ့၊ မြသီတာဈေးကော်မတီတို့ ပူးပေါင်း၍ COVID-19 ရောဂါ ကာကွယ်တားဆီး နိုင်ရေးအတွက် ပိုးသတ်ဆေးဖျန်းခြင်းကို ယနေ့ မွန်းလွဲ ၁၂ နာရီခွဲက ရန်ကြီးအောင်ရပ်ကွက် မြသီတာဈေး၌ စုပေါင်းလုပ်ဆောင်ခဲ့သည်။

ဒလမြို့နယ်အတွင်းရှိ အောင်ဇေယျဈေးနှင့် ကမာကဆစ်ဈေးတို့၌ ဈေးရောင်းဈေးဝယ်သူများနှင့် ဒေသခံမိဘပြည်သူများအား  COVID-19 ရောဂါကူးစက်မှု မဖြစ်ပွားစေရေးနှင့် ကြိုတင်ကာကွယ်စေရေးအတွက် ရည်ရွယ်၍ ယနေ့မွန်းလွဲ ၁ နာရီက  အဆိုပါ ဈေးများအတွင်း ပိုးသတ်ဆေးဖျန်းခြင်းလုပ်ငန်းများနှင့် ဈေးအတွင်း သန့်ရှင်းရေးလုပ်ငန်းများကို ဒုတိယအကြိမ် ဆောင်ရွက်ပေးခဲ့ကြောင်း သိရသည်။

ရှမ်းပြည်နယ်အရှေ့ပိုင်း၊ တာချီလိတ်ခရိုင်၊ မိုင်းယောင်းမြို့နယ်တွင် COVID-19 ရောဂါ ကြိုတင်ကာကွယ် ထိန်းချုပ်ရေးနှင့် အသိပညာပေးလုပ်ငန်းများကို စနစ်တကျလုပ်ဆောင်လျက်ရှိပြီး အဝေးပြေးယာဉ်များအား ပိုးသတ်ဆေးဖျန်းခြင်းကို ယနေ့ မွန်းလွဲ ၂ နာရီက ဆောင်ရွက်ခဲ့ကြောင်း သိရသည်။

စီးပွားရေးနှင့် ကူးသန်းရောင်းဝယ်ရေးဝန်ကြီးဌာန (နေပြည်တော်)နှင့် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန (ရန်ကုန်)တို့ Video Conferences စနစ်ဖြင့် ချိတ်ဆက်ပြီး Coronavirus Disease 2019 (COVID-19) ကာကွယ်၊ ထိန်းချုပ်၊ ကုသရေးဆိုင်ရာ ကျန်းမာရေးအထောက်အကူပြု ပစ္စည်းများ၊ ဆေးဝါးများ၊ စားသုံးကုန် ပစ္စည်းများကို ဈေးနှုန်းမြှင့်တင်ရောင်းချနေမှုအား ထိန်းချုပ်နိုင်ရေးအတွက် ညှိနှိုင်းအစည်းအဝေးကို ယနေ့နံနက် ၁၀ နာရီတွင် နေပြည်တော်ရှိ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန အစည်းအဝေးခန်းမ၌ ကျင်းပသည်။

မြိတ်မြို့၌ Covid-19 ရောဂါ သံသယလူနာတွေ့ရှိပါက ဆေးရုံပို့ဆောင်ရာတွင် ရောဂါကူးစက်မှုအန္တရာယ်မှ ကာကွယ်နိုင်ရေးအတွက် တီထွင်ထားသော Covid-19 ရောဂါကာကွယ်ရေး အထောက်အကူပြုယာဉ်အား မြိတ်ခရိုင်  Covid-19 ရောဂါ ကာကွယ်၊ တားဆီး၊ ထိန်းချုပ်၊ ကုသရေးဦးစီးကော်မတီမှ ယနေ့ နံနက်ပိုင်းက သွားရောက် ကြည့်ရှုခဲ့ပြီး လိုအပ်သည့် ကျန်းမာရေးလုံခြုံမှုဆိုင်ရာများကို အကြံပြုပေးခဲ့ကြောင်း သိရသည်။