ကယားပြည်နယ် လွိုင်ကော်ခရိုင် ဒီးမော့ဆိုမြို့နယ်တွင် ၂၀၁၉-၂၀၂၀ ခုနှစ် နွေစပါးချိန် ဆည်ကန်များမှ ပေးဝေသောရေဖြင့် နွေစပါး ၃၁၀၄ ဧက စိုက်ပျိုးနိုင်ရန် လျာထားလျက်ရှိကြောင်း မြို့နယ်စိုက်ပျိုးရေးဦးစီးဌာနမှ သိရသည်။

မြန်မာနိုင်ငံအမျိုးသမီးအားကစားအဖွဲ့ချုပ်နှင့် ချင်းပြည်နယ် အားကစားနှင့်ကာယပညာဉီးစီးဌာနတို့ ပူးပေါင်း ကျင်းပသည့် ကိုယ်လက်လှုပ်ရှား ဆေးတစ်ပါးကိုယ်ကာယလေ့ကျင့်ခြင်း အခမ်းအနားကို ယနေ့နံနက် ၇ နာရီက ဟားခါးမြို့ ဝမ္မသူးမောင်အားကစားကွင်း၌ ကျင်းပသည်။

စစ်ကိုင်းတိုင်းဒေသကြီး နာဂကိုယ်ပိုင်အုပ်ချုပ်ခွင့်ရဒေသ နန်းယွန်းမြို့၌ ကျေးလက်နေပြည်သူများ အသက်မွေးဝမ်းကျောင်းအထောက်အကူပြုရန် မြို့နယ်ကျေးလက်ဒေသဖွံ့ဖြိုးတိုးတက်ရေး ဦးစီးဌာနက ဖွင့်လှစ်သည့် ပရိဘောဂပြုလုပ်နည်းသင်တန်းကို ဖေဖော်ဝါရီ ၂၂ ရက်နေ့က အထွေထွေအုပ်ချုပ်ရေးဦးစီး ဌာန စုပေါင်းရုံးခန်းမတွင် ဖွင့်လှစ်သည်။

ရှမ်းပြည်နယ်(တောင်ပိုင်း)၊ ရပ်စောက်မြို့တွင်ဗထူးတပ်နယ်နှင့် ရပ်စောက်မြို့တို့ ပူးပေါင်းပြီး မြန်မာ့ရိုးရာထမနဲထိုးပြိုင်ပွဲကို ဖေဖော်ဝါရီ  ၂၁ ရက် မွန်းလွဲ ၃ နာရီက ဗထူးတပ်မြို့ မင်းသုံးပါးပြည်သူ့အပန်းဖြေရင်ပြင်တွင် ကျင်းပခဲ့ကြောင်းသိရသည်။

မကွေးတိုင်းဒေသကြီး ၊ ပွင့်ဖြူမြို့နယ် မဲဇလီကျေးရွာအုပ်စုအတွင်းရှိ ကျေးရွာများမှ ဒေသခံတောင်သူများသည် ဖူးစားပြောင်းကို နွေ ၊ မိုး ၊ ဆောင်း သုံးရာသီ စီးပွားဖြစ်စိုက်ပျိုးလုပ်ကိုင်ကြကာ ယခုနှစ်တွင် ပြောင်းဖူးဈေးနှုန်းများ ယခင်နှစ်ကထက် ဈေးပိုရောင်းရသဖြင့် ဖူးစားပြောင်းစိုက်ပျိုးတောင်သူများ စီးပွားရေးတွက်ခြေကိုက်၍ လုပ်ငန်းအဆင်ပြေလျက်ရှိနေကြကြောင်း ပွင့်ဖြူမြို့နယ် မဲဇလီကျေးရွာအုပ်စု၊ ညောင်ပင်ဝိုင်းကျေးရွာမှ ဒေသခံတောင်သူများထံမှ သိရသည်။ 

မန္တလေးတိုင်းဒေသကြီး၊ ညောင်ဦးမြို့ ပြည်သူ့ဆေးရုံကြီးတွင် မွေးရာပါနှလုံးရောဂါကြောင့် တက်ရောက်ဆေးကုသမှု ခံယူနေသည့် ကလေးငယ်အတွက် ဆေးကုသမှုစရိတ် ထောက်ပံ့လှူဒါန်းခြင်းကို ဖေဖော်ဝါရီ ၂၁ ရက် ၊ ညနေ ၅ နာရီက ညောင်ဦးမြို့ ၊ မြတ်ပါရမီပရဟိတလူမှုကူညီရေးအသင်းက  အလှူငွေများ သွားရောက်ထောက်ပံ့လှူဒါန်းပေးခဲ့ကြောင်း သိရသည်။