ရန်ကုန်တိုင်းဒေသကြီးရွေးကောက်ပွဲကော်မရှင်အဖွဲ့ခွဲနှင့် အမေရိကန်ငြိမ်းချမ်းရေး အင်စတီကျူ့ (United States Institute of Peace, USIP) တို့ ပူးပေါင်းကျင်းပသော ၂၀၂၀ ပြည့်နှစ် အထွေထွေရွေးကောက်ပွဲဆိုင်ရာ ဒီမိုကရေစီနည်းကျ စီမံထိန်းကျောင်းခြင်း ဆွေးနွေးဖလှယ်ပွဲအား ယနေ့နံနက် ၉ နာရီခွဲတွင် ရန်ကုန်တိုင်းဒေသကြီး၊ ဒဂုံမြို့နယ်၊ Park Royal Hotel ၌ ကျင်းပသည်။

ပဲခူးတိုင်း၊ဒိုက်ဦးမြို့နယ်၊စိုက်ပျိုးရေးဆိုင်ရာ လူထုအခြေပြုလေ့လာမှု စခန်း(၃)တွင် ဖေဖော်ဝါရီလ ၂၁ ရက်၊ နံနက် ၁၀ နာရီအချိန်က တိရစ္ဆာန်ကူးစက်ရောဂါ ကာကွယ်ထိန်းချုပ်ရေးသင်တန်းဖွင့်ပွဲအခမ်းအနား ကျင်းပပြုလုပ်ရာ ဒိုက်ဦးမြို့နယ် အထွေထွေအုပ်ချုပ်ရေး ဦးစီးဌာန၊မြို့နယ်အုပ်ချုပ်ရေးမှူး ဦးဟိန်းသူဝင်း က အဖွင့်အမှာစကား ပြောကြားသည်။

စစ်ကိုင်းတိုင်းဒေသကြီး၊ ကောလင်းမြို့နယ်တွင် အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အား ဝန်ကြီးဌာန၊ လူဝင်မှုကြီးကြပ်ရေးနှင့် ပြည်သူ့အင်အားဆိုင်ရာ၊ ကေလင်းမြို့နယ် ဦးစီးမှူးရုံးမှ လဝကမှူး ဒေါ်စိန်စိန်တင်၊ လက်ထောက် လဝကမှူး ဒေါ်ခင်မာဝေ၊ ဉီးသန်းထိုက်သူနှင့် ဉီးသောက်ထွန်းတို့သည် ယမန်နေ့နံနက် ၉ နာရီက အမှတ်(၂)အခြေခံပညာအထက်တန်းကျောင်း ခန်းမ၌  အသက်(၁၀)နှစ်ပြည့် ကျောင်းသား၊ ကျောင်းသူများကို နိုင်ငံသားစိစစ်ရေး ကတ်ပြား(အခမဲ့) ကွင်းဆင်း ဆောင်ရွက်ပြုလုပ်ပေးခဲ့သည်။  

အမှတ်(၈၃) ယာဉ်ထိန်းရဲတပ်ဖွဲ့စု (လပွတ္တာ) မှ တိုင်းဒေသကြီး ယာဉ်အန္တရာယ်/လမ်းအန္တရာယ် ကင်းရှင်းရေးကောင်စီ၏ ညွှန်ကြားချက်နှင့်အညီ လပွတ္တာ ခရိုင်/မြို့နယ် ယာဉ်အန္တရာယ်၊ လမ်းအန္တရာယ်ကင်းရှင်းရေးကောင်စီမှ ကြီးမှူးကျင်းပသည့် ယာဉ်စည်းကမ်း၊ လမ်းစည်းကမ်း ပညာပေး မြေစိုက်ပိုစတာ  စိုက်ထူခြင်း၊ ခရီးသည်နားခိုဆောင် (BUS STAND) ဖွင့်လှစ်ခြင်းကို ယနေ့ နံနက် ၉ နာရီ အချိန်က လပွတ္တာ-မြောင်းမြ ကားလမ်း ၊ လပွတ္တာမြို့သစ် မြို့ဝင်၌ ကျင်းပသည်။

ကျေးလက်နေပြည်သူများအတွက် အသက်မွေးဝမ်းကြောင်းအထောက်အကူပြု မှို စိုက်ပျိုး နည်းသင်တန်းကို ယမန်နေ့နံနက် ၁၀ နာရီအချိန်က ရှမ်းပြည်၊ တောင်ပိုင်း ဓနုကိုယ်ပိုင်အုပ်ချုပ် ခွင့်ရဒေသ ပင်းတယမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနရုံးခန်းမ၌ ကျင်းပပြုလုပ်ခဲ့ကြောင်း သိရသည်။

စဉ့်ကူးမြို့နယ်၌ ၂၀၂၀ ပြည့်နှစ် တက္ကသိုလ်ဝင်စာမေးပွဲတွင် ဝင်ရောက်ဖြေဆိုမည့် ကျောင်းသား၊ ကျောင်းသူ ၃၀ဝ၀ ကျော်ကို စာစစ်ဌာန (၅)ခုဖြင့် ကျင်းပသွားမည်ဖြစ်ကြောင်း မြို့နယ်ပညာရေးမှူးရုံးမှ သိရသည်။