နိုင်ငံတော်သမ္မတ ဦးဝင်းမြင့်သည် ဂျကာတာမြို့ အရှေ့တောင်အာရှနိုင်ငံများအသင်း (အာဆီယံ)ဆိုင်ရာ မြန်မာအမြဲတမ်းကိုယ်စားလှယ်အဖြစ် တာဝန်ထမ်းဆောင်မည့် ဦးအောင်မျိုးမြင့်အား လမ်းညွှန်မှာကြားသည်။

မကွေးတိုင်းဒေသကြီး မင်းဘူးခရိုင် ငဖဲမြို့နယ်အတွင်း ကျေးလက်ဒေသဖွံ့ဖြိုးတိုးတက်ရေး ဦးစီးဌာနက မဟာဓါတ်အားလိုင်းနဲ့ (၁၀)မိုင်အထက်ဝေးကွာပြီး နောင်(၁၀)နှစ် (သို့) (၁၅)နှစ်အတွင်း မဟာဓါတ်အားလိုင်းမှ လျှပ်စစ်မီးမရနိုင်သော ကျေးရွာများအနက် ကျေးရွာ ၇ ရွာရှိ အိမ်ခြေ ၃၈၉ အိမ်တွင်  အမျိုးသားလျှပ်စစ်ဓါတ်အားရရှိရေးစီမံကိန်း(NEP) ဖြင့်  တစ်အိမ်သုံးဆိုလာစနစ်အသုံးပြုကာ အကြို လျှပ်စစ်မီးရရှိရေးလုပ်ငန်းများ အကောင်အထည်ဖော် ဆောင်ရွက်ပြီးစီးပြီဖြစ်ကြောင်း ငဖဲမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးဝေလင်းမောင်ထံမှ သိရသည်။

မကွေးတိုင်းဒေသကြီး၊ မင်းဘူးခရိုင်၊ စလင်းမြို့နယ်တွင် ၂၀၂၀ ပြည့်နှစ် တက္ကသိုလ်ဝင်စာမေးပွဲဖြေဆို မည့်ကျောင်းသားကျောင်းသူများအား တက္ကသိုလ်ဝင်စာမေးပွဲ ဖြေဆိုခွင့် ကတ်ပြားများကို ယမန်နေ့ ဖေဖေါ်ဝါရီ လ ၂၀ ရက်နေ့မှစ၍ မြို့နယ်အတွင်းရှိသက်ဆိုင်ရာစာစစ်ဌာန အသီးသီး၌ စတင်ထုတ်ပေးနေကြောင်း သိရသည်။ 

ကရင်ပြည်နယ်၊ ဖာပွန်ခရိုင်၊ ဖာပွန်မြို့နယ်တွင် တက္ကသိုလ်ဝင်စာမေးပွဲဖြေဆိုသူများအတွက် စာမေးပွဲဖြေဆိုခွင့်ကတ်များကို ဖေဖော်ဝါရီလ ၂၁ ရက်မှ စတင်ထုတ်ပေးလျက်ရှိကြောင်း သိရသည်။ 

မကွေးတိုင်းဒေသကြီး ၊ တောင်တွင်းကြီးမြို့နယ် ရထားရဲတပ်ဖွဲ့အမှတ်(၁၈)တပ်ခွဲမှ ခေတ္တတပ်ခွဲမှူး ရဲအုပ်ဇော်လွင်ဦးနှင့် တပ်ဖွဲ့ဝင်များ ၊ မင်းဘူးမြို့နယ်မီးသတ်ဦးစီးဌာန၊ မင်းဘူးဘူတာမှ တာဝန်ခံရုံပိုင် ဦးကျော်ကျော်ဦး ဦးဆောင်သော ဝန်ထမ်း များနှင့် ပူးပေါင်းပြီး ဖေဖော်ဝါရီ ၂၁ ရက် ၊ နံနက် ၉ နာရီခွဲက မင်းဘူးဘူတာရှိ မီးရထားဝန်ထမ်းများနှင့် တွေ့ဆုံ၍ ရထားနှင့် ပတ်သက်ပြီး လူနှင့်တိရစ္ဆာန် ယာဉ်တိုက်မှုမဖြစ်ပွားစေရန်နှင့် ရထားမီးလောင်မှုဖြစ်စဉ်များ ကင်းဝေးစေရေးအတွက် အသိပညားပေး ဆွေးနွေးဟောပြောခဲ့ကြောင်း သိရသည်။ 

ပခုက္ကူတက္ကသိုလ်၏ ၂၀၁၉-၂၀၂၀-ပညာသင်နှစ် (၁၉)နှစ်မြောက် တက္ကသိုလ်နှစ်ပတ်လည်နေ့ အထိမ်းအမှတ်အဖြစ် ဘာသာရပ်ဆိုင်ရာ ဝိဇ္ဇာနှင့်သိပ္ပံ သုတေသနစာတမ်းများ ဖတ်ပွဲကို ဖေဖော်ဝါရီ ၂၁ ရက် နံနက် ၉ နာရီအချိန်က အဆိုပါတက္က သိုလ်၊ လေးထပ်ဆောင်၊ ဘက်စုံခန်းမ၌ ကျင်းပသည်။