ရခိုင်ပြည်နယ်ဝန်ကြီးချုပ် ဦးညီပုသည် ယနေ့ မွန်းလွဲ (၂)နာရီတွင် ပြည်နယ် လျှပ်စစ် ၊ စက်မှုနှင့် လမ်းပန်းဆက်သွယ်ရေးဝန်ကြီး ဦးအောင်ကျော်ဇံနှင့် ခရိုင်/မြို့နယ်အဆင့် ဌာနဆိုင် ရာ အကြီးအကဲများနှင့်အတူ ဆောက်လုပ်ရေးဝန်ကြီးဌာန ၊ တံတားဦးစီးဌာန ၊ တည်ဆောက်ရေး(၂) ၊ တံတားအထူး အဖွဲ့(၈)က တာဝန်ယူတည်ဆောက်လျက်ရှိသော ကျောက်ဖြူမြို့ ကင်းချောင်းတံတား (၁၂၆ ပေ ၊  ၇ လက်မ) တည်ဆောက်ရေးစီမံကိန်းအား သွားရောက်ကြည့်ရှုစစ်ဆေးသည်။

ကယားပြည်နယ်၊ လွိုင်ကော်မြို့၊ နွားလဝိုးကျေးရွာ အခြေခံပညာအထက်တန်းကျောင်း၊ ကျောင်းဆောင်သစ်ဖွင့်ပွဲ အခမ်းအနားကို ယနေ့နံနက်ပိုင်းက အဆိုပါကျောင်း၌ ကျင်းပပြုလုပ်သည်။

အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုကော်မတီ ဒုတိယဥက္ကဋ္ဌ၊ ပြည်ထောင်စုဝန်ကြီး ဒေါက်တာဝင်းမြတ်အေးနှင့် ဒုတိယဝန်ကြီး ဦးစိုးအောင်တို့သည်  ယနေ့နံနက်ပိုင်းက စစ်ကိုင်းတိုင်းဒေသကြီး၊ ကသာမြို့နယ် ကျေးရွာများရှိ ဒေသခံပြည်သူများနှင့်တွေ့ဆုံကာ ACCOR Hotel Myanmar အဖွဲ့နှင့် ပူးပေါင်း၍  ကျောင်းသား၊ ကျောင်းသူ ကလေးသူငယ်များအတွက် အသက်ကယ်အင်္ကျီများ၊ စက်တပ်လှေများ၊ ကျောင်းဝတ်စုံများနှင့် အဝတ်အစားများ လှူဒါန်းပေး အပ်ပွဲအခမ်းအနားသို့ တက်ရောက်သည်။

ကျန်းမာရေးနှင့်အားကစားဝန်ကြီးဌာန၊ ပြည်ထောင်စုဝန်ကြီး ဒေါက်တာမြင့်ထွေးသည် ယနေ့နံနက်ပိုင်းတွင် မန္တလေးမြို့ရှိ ကန်တော်နဒီဆေးရုံသို့သွားရောက်ပြီး ဆေးရုံ၌ သီးခြား ထားရှိကာ ရောဂါဖြစ်ပွားမှု ရှိ၊ မရှိစောင့်ကြည့်ကာလ (၁၄) ရက် ပြည့်မြောက်ပြီးနောက် ကျန်းမာ ရေးအခြေအနေကောင်းမွန်၍ နေအိမ်အသီးသီးသို့ပြန်တော့မည့် ဝူဟန်မြို့မှ အထူးလေယာဉ်ဖြင့် ခေါ်ဆောင်ခဲ့သော ကျောင်းသား၊ ကျောင်းသူ (၅၉) ဦးနှင့် ကျန်းမာရေးဝန်ထမ်း (၃) ဦးတို့ကို သွားရောက်တွေ့ဆုံသည်။

ရန်ကုန်တိုင်းဒေသကြီးအဆင့် ငလျင်ဘေးအန္တရာယ်ဆိုင်ရာ အသိအမြင် မြှင့်တင်မှု ရက်သတ္တပတ် လူထုလှုပ်ရှားမှုကို ရန်ကုန်မြို့၊ မဟာဗန္ဓုလပန်းခြံတွင် ယနေ့ညနေ ၃ နာရီမှ ၆ နာရီအထိ ကျင်းပသည်။

ကမ္ဘာ့ငြိမ်းချမ်းမှုဖော်ဆောင်ရေးကိုယ်ကျင့်သီလဗဟုသုတရေးဖြေပြိုင်ပွဲတွင် ဖြေဆိုအောင်မြင်ခဲ့သည့် ကျောင်းသား၊ ကျောင်းသူများ အားလုံးအား Certificate လက်မှတ်များပေးအပ်ချီးမြှင့်ခြင်းနှင့် ထူးချွန်အောင်မြင်သူများအား ထပ်ဆင့်ဂုဏ်ပြုဆုချီးမြှင့်ခြင်းအခမ်းအနားကိုယနေ့နံနက် ၈ နာရီက တနင်္သာရီတိုင်းဒေသကြီး၊ထားဝယ်မြို့၊ မြို့မယဉ်ငေးသာသနာ့ရိပ်သာ၌ ကျင်းပသည်။