စာရေးဆရာမ မလှမွန်(ရေနံ့သာ)၏ ယူဇနာမွှေးလုံးချင်းဝတ္ထုစာအုပ် မိတ်ဆက်ပွဲကို ယနေ့မွန်းလွဲ ၁ နာရီက ရန်ကုန်မြို့ သိမ်ဖြူလမ်းရှိ သတင်းနှင့်စာနယ်ဇင်းလုပ်ငန်း ရွှေဥဒေါင်းခန်းမ၌ ကျင်းပသည်။

ချင်းပြည်နယ် ထန်တလန်မြို့တွင် ရောက်ရှိနေသည့် ဒုတိယသမ္မတ ဦးဟင်နရီဗန်ထီးယူ သည် ပြည်ထောင်စုဝန်ကြီး ဒေါက်တာမျိုးသိမ်းကြီးနှင့် ဦးအုန်းမောင်၊ ချင်းပြည်နယ် ဝန်ကြီးချုပ် ဆလိုင်းလျန်လွယ်၊ ပြည်နယ်လွှတ်တော် ဥက္ကဋ္ဌ ဦးဇိုဘွဲ၊ ဒုတိယဝန်ကြီး ဗိုလ်ချုပ် သန်းထွဋ်၊ ဦးကျော်မျိုးနှင့် ဦးမြင့်ကြိုင်၊ ပြည်နယ်ဝန်ကြီးများ၊  တာဝန်ရှိသူများနှင့်အတူ ယမန်နေ့နံနက်ပိုင်းက ထန်တလန်မြို့မှ မော်တော်ယာဉ်များဖြင့် ထွက်ခွာခဲ့ကြပြီး ဟာခါးမြို့သို့ရောက်ရှိရာ ပြည်နယ်ဝန်ကြီးများ၊ ဌာနဆိုင်ရာတာဝန်ရှိသူများနှင့် ဒေသခံယဉ်ကျေးမှုအဖွဲ့မှ တိုင်းရင်းသား၊ တိုင်းရင်းသူများ၊ ဒေသခံပြည်သူများက ကြိုဆိုနှုတ်ဆက်ကြသည်။

ရှမ်းပြည်နယ်တောင်ပိုင်း လွိုင်လင်ခရိုင် လဲချားမြို့နယ် နမ့်တုတ်ကျေးရွာတွင် ၂၀၁၈-၂၀၁၉ ဘဏ္ဍာနှစ် ရှမ်းပြည်နယ် အစိုးရရန်ပုံငွေဖြင့် ကျေးရွာလျှပ်စစ်မီးလင်းရေးကို ဆောင်ရွက်ခဲ့ပြီး ယနေ့ နံနက် ၉ နာရီခွဲက အဆိုပါ ကျေးရွာ၌ ကျေးလက်မီးလင်းရေးဖွင့်ပွဲကို ပြုလုပ်ခဲ့သည်။

မကွေးတိုင်းဒေသကြီး၊ မင်းဘူးခရိုင်၊ မင်းဘူးမြို့ အမှတ်(၁)ရပ်ကွက် သိမ်ကုန်းမိသားစု၏ (၂၇)ကြိမ်မြောက် ဆွမ်းဆန်စိမ်းလောင်လှူပွဲကို ယနေ့ မွန်းလွဲ ၂ နာရီအချိန်က သိမ်ကုန်းရပ်ကွက်၊ သီရိမင်္ဂလာဓမ္မာရုံတွင် ကျင်းပခဲ့ကြောင်း သိရသည်။

ဧရာဝတီတိုင်းဒေသကြီး၊ မြောင်းမြမြို့နယ်၊ မြောင်းမြ-စကမြား ဆက်သွယ်ရေးလမ်းပေါ်ရှိ သရောဘုန်းချောင်းကူးတံတားကို ကျေးရွာသူရွာသားများ စုပေါင်းအားဖြင့် တည်ဆောက်ပြီးဖြစ်၍ ဖေဖေါ်ဝါရီ ၁၆ ရက်နေ့နံနက် ၉ နာရီက ဖွင့်လှစ်ခဲ့ကြောင်းသိရသည်။

မန္တလေးတိုင်းဒေသကြီး ၊ ညောင်ဦးမြို့နယ်စိုက်ပျိုးရေးဦးစီးဌာနမှ မြို့နယ်အတွင်းရှိ စိုက်ပျိုးရေးဆိုင်ရာအလေ့အကျင့် ကောင်းများ (GAP)နည်းစနစ်ဖြင့် မိုးကြိုပဲတီစိမ်းစိုက်ပျိုးမည့် တောင်သူများအား သီးနှံအဆင်ပြေစွာ စိုက်ပျိုးနိုင်ရေးအတွက် မျိုးစေ့ နှင့် တောင်သူလုပ်ငန်းသုံး ပံ့ပိုးပစ္စည်းများပေးအပ်ခြင်းကို ဖေဖော်ဝါရီ ၁၆ ရက် ၊ နံနက် ၁၁ နာရီက ညောင်ဦးမြို့နယ် စိုက်ပျိုးရေးဦးစီးဌာနရုံး၌ ကျင်းပသည်။