ရှမ်းပြည်နယ် (တောင်ပိုင်း) တောင်ကြီးခရိုင်၊ ကလောမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနက ကြီးမှူးကျင်းပပြုလုပ်သည့် ကျေးလက်ဒေသဖွံ့ဖြိုးရေးခေါင်းစဉ်ဖြင့် ပြည်သူ့စကားဝိုင်းဆွေးနွေးပွဲကို ဒီဇင်ဘာ ၂၇ ရက် နံနက် ၁၀ နာရီက ပုန်းအင်းကျေးရွာခန်းမဆောင်တွင် ကျင်းပပြုလုပ်ခဲ့ရာ ကလောမြို့နယ် ပြည်သူ့လွှတ်တော်ကိုယ်စားလှယ်များ၊ မြို့နယ်အုပ်ချုပ်ရေးမှူး၊ ဌာနဆိုင်ရာအကြီးအကဲများ၊ ပုန်းအင်းကျေးရွာ၊ ဝါးရုံပင်ကျေးရွာနှင့် ကျောက်ကုန်းကျေးရွာမှ ရွာသူ၊ ရွာသား ၈၀ ခန့် တက်ရောက်ခဲ့သည်။

စစ်ကိုင်းတိုင်းဒေသကြီး၊ မုံရွာမြို့၏ ဒီဇင်ဘာလူထုအားကစားလ (စတုတ္ထပတ်) လမ်းလျှောက်ပွဲကို ယနေ့ နံနက် ၅ နာရီခွဲက စုရပ်ဖြစ်သော မုံရွာ-မန္တလေးလမ်းပေါ်ရှိ ဗိုလ်ချုပ်ကြေးရုပ်မှစတင်၍ ကျင်းပပြုလုပ်ရာ စုစုပေါင်းလူဦးရေ တစ်သောင်းကျော် ပါဝင်ဆင်နွဲခဲ့ကြသည်။

နေပြည်တော် တပ်ကုန်းမြို့နယ်တွင် ပြည်သူများ ကျန်းမာကြံ့ခိုင်ရေးနှင့် လမ်းလျှောက်သည့် အလေ့အကျင့်ကောင်းများရရှိစေရန် ရည်ရွယ်၍ ဒီဇင်ဘာအားကစားလ လူထုလမ်းလျှောက်ပွဲ စတုတ္ထပတ်ကို ဒီဇင်ဘာ ၂၈ ရက် နံနက် ၅နာရီခွဲက မြို့တွင်း ဗိုလ်ချုပ်အောင်ဆန်းကြေးရုပ်၊ စုရပ်နေရာမှ စတင်ထွက်ခွာပြီး၊ မြို့နယ်ပြည်သူ့အားကစားကွင်းထိ ပျော်ရွှင်စွာဆင်နွှဲကြသည်။