နိုင်ငံတော်သမ္မတ ဦးဝင်းမြင့်သည် ယနေ့နံနက် ၉ နာရီခွဲတွင် နေပြည်တော်ရှိ နိုင်ငံတော်သမ္မတအိမ်တော် ငုရွှေဝါခန်းမ၌ ကျင်းပသည့် ပြည်ထောင်စုတိုင်းရင်းသား လူမျိုးများဖွံ့ဖြိုးရေးတက္ကသိုလ် ပညာရေးဘွဲ့(၅)နှစ်သင်တန်း အမှတ်စဉ်(၃) ကျောင်းသား၊ ကျောင်းသူများ ဩဝါဒခံယူပွဲအခမ်းအနားသို့ တက်ရောက် ဩဝါဒအမှာစကား ပြောကြားသည်။

ပြည်ထောင်စုသမ္မတ မြန်မာနိုင်ငံတော်ဖွဲ့စည်းပုံအခြေခံဥပဒေ (၂၀ဝ၈ ခုနှစ်) ပြင်ဆင်ရေး ပူးပေါင်းကော်မတီအစည်းအဝေး (၄၅/၂၀၁၉)ကို ယနေ့နံနက် ၁၀ နာရီတွင် ပြည်ထောင်စုလွှတ်တော် D ဆောင် ဒုတိယထပ်အစည်းအဝေးခန်းမ၌ ကျင်းပသည်။

(၃၅)ကြိမ်မြောက် အာဆီယံသဘာဝဘေးအန္တရာယ် စီမံခန့်ခွဲမှုကော်မတီအစည်းအဝေး ဒုတိယမြောက်နေ့ကို ယနေ့နံနက် ၉ နာရီတွင် ဆက်လက်ကျင်းပရာ အာဆီယံ သဘာဝဘေးအန္တရာယ် စီမံခန့်ခွဲမှုကော်မတီ (ACDM)၏ အလှည့်ကျဥက္ကဋ္ဌအဖြစ် ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာန ညွှန်ကြားရေးမှူးချုပ် ဒေါက်တာကိုကိုနိုင်ကလည်းကောင်း၊ ပူးတွဲဥက္ကဋ္ဌအဖြစ် Mr. Kistoffer James E. Purisima, Assistant Secretary ၊ Deputy Administrator for Administration, Philippines တို့က လည်းကောင်း ဆောင်ရွက်ကြသည်။

အောက်တိုဘာ ၂ ရက် နံနက် ၉ နာရီက မန္တလေးတိုင်းဒေသကြီး၊ မြစ်သားမြို့နယ်အတွင်းရှိ ရပ်ကွက်၊ ကျေးရွာများမှ မျက်စိဝေဒနာ ခံစားနေသူ မိဘပြည်သူများကို ကသဲကုန်းကျေးရွာ၊ ဘုန်းကြီးကျောင်းဝန်း၌ ကမ္ဘာ့မျက်မမြင် ပပျောက်ရေးနေ့ အထိမ်းအမှတ်အကြို ဟောပြောပွဲနှင့် မျက်စိကျန်းမာရေး ကွင်းဆင်းစစ်ဆေးပြီး အခမဲ့ကုသပေးခဲ့ကြောင်း သိရသည်။

မန္တလေးတိုင်းဒေသကြီး၊ မြင်းခြံခရိုင် ပြန်ကြားရေးနှင့် ပြည်သူ့ဆက်ဆံရေး ဦးစီးဌာနရုံးရှေ့တွင် ကျောင်းသား/ကျောင်းသူများနှင့် ပြည်သူများ ကိုယ်လက်လှုပ်ရှားမှုဖြင့် ကျန်းမာရေး အထောက်အကူပြုစေရန် Outdoor Fitness အားကစားပစ္စည်းများ တပ်ဆင်ပြီးစီး၍ ကျန်းမာရေးအတွက် မည်သူမဆို လွတ်လပ်စွာ လာရောက်လေ့ကျင့်နိုင်ကြောင်း သိရသည်။