ကရင်ပြည်နယ်၊ ကော့ကရိတ်ခရိုင်၊ ကြာအင်းဆိပ်ကြီးမြို့နယ်တွင် သြဂုတ်လ ပထမအပတ်မှ စတင်ကာ မိုးများအဆက်မပြတ် ရွာသွန်းမှုကြောင့် ရေကြီးရေလျှံမှု ဖြစ်ပွားကာ ကျောင်းသား၊ ကျောင်းသူများ အန္တရာယ်ကင်းစေရေးနှင့် အချို့ကျောင်းများတွင် ရေဘေးရှောင်စခန်းများ ယာယီဖွင့်လှစ်ထားမှုကြောင့် စာသင်ကျောင်း ၉၁ ကျောင်း ယာယီပိတ်ထားခဲ့ရသည်။

တနင်္သာရီတိုင်းဒေသကြီး၊ ထားဝယ်ခရိုင်၊ ကလိန်အောင်မြို့ရှိ ရေဘေးသင့်အိမ်ထောင်စုများအား ထောက်ပံ့ငွေများ ပြန်လည်ပေးအပ်ခြင်းကို ယမန်နေ့ မနက်ပိုင်းက အထွေထွေအုပ်ချုပ်ရေး ဦးစီး ဌာနရုံးရှိ မြို့အုပ်ချုပ်ရေးမှူးရုံးခန်း၌ ပြုလုပ်သည်။

မိုးညှင်းမြို့နယ် ဘီးလူးကျေးရွာအုပ်စု အုန်းစံဆိုင်ကျေးရွာတွင် ယခုလ  ၅ ရက်က လေပြင်းတိုက်ခတ်မှုကြောင့် ပျက်စီးသွားသည့် အိမ်ထောင်စု ၂၅ စုအား မြန်မာနိုင်ငံကြက်ခြေနီအသင်းမှ ထောက်ပံ့သည့် ပစ္စည်းများကို မိုးညှင်းခရိုင် ကြက်ခြေနီကြီးကြပ်မှုကော်မတီမှတာဝန်ရှိသူများက ယမန်နေ့ ညနေ  ၅နာရီတွင် ကျေးရွာဓမ္မာရုံ၌ ပေးအပ်ခဲ့ကြသည်။

Get Ride ဖြင့်ချိတ်ဆက်ထားသည့် သုံးဘီးဆိုင်ကယ် ယာဉ်မောင်းများအတွက် ခရီးသည်ပို့ဆောင်ရင်း အသေးစား လုပ်ငန်း လုပ်ကိုင်နိုင်မည့် “ရွှေ့ရွှေ့လျားလျား ဒစ်ဂျစ်တယ်စတိုးများ” အစီစဉ်ကို သြဂုတ်လ ၁၉ ရက်က မန္တလေးမြို့တွင် စတင်မိတ်ဆက်ခဲ့သည်။ 

ပဲခူးတိုင်းဒေသကြီး၊ ရေတာရှည်မြို့နယ်၊ Brac Myanmar  အသေးစား ငွေရေးကြေးရေးကုမ္ပဏီ လီမီတက်မှ မသန်စွမ်းသူ ၂၂ ဦးအတွက် စိုက်ပျိုးရေး၊ မွေးမြူရေးဆိုင်ရာ ပစ္စည်းများ ထောက်ပံ့ ပေးအပ်ပွဲကို ယမန်နေ့ နံနက် ၁၀ နာရီ က ရေတာရှည်မြို့၊ အမှတ် ၄ ရပ်ကွက်ရှိ Brac Myanmar ရုံး၌ ကျင်းပပြုလုပ်ခဲ့သည်။

ပြင်ဦးလွင်မြို့ ပြည်သူ့ဆေးရုံကြီးသို့ မိုင်းစထိမှန်၍ တက်ရောက်ဆေးကုသမှု ခံယူနေသည့် လူနာသုံးဦးအား ဌာနဆိုင်ရာမှ တာဝန်ရှိသူများ စေတနာရှင် အလှူရှင်များက အလှူငွေများနှင့် အစားအသောက်များကို သြဂုတ်လ ၁၉ ရက် ညနေ ၆ နာရီက ထောက်ပံ့ပေးအပ်ခဲ့ကြောင်း သိရသည်။