မော်လ်ဒိုက်နှင့် အိန္ဒိယနိုင်ငံတို့သည်    ကာကွယ်ရေးနှင့်  ပင်လယ်ရေကြောင်းအပါအဝင်   နယ်ပယ်အသီးသီးတွင်   ဆက်ဆံမှုခိုင်မာအားကောင်းစေရန်   ယမန်နေ့က   သဘောတူညီချက်  ခြောက်ခုကိုလက်မှတ်ရေးထိုးခဲ့ကြောင်း  ဒေသန္တရမီဒီယာများက  ယနေ့ဖော်ပြခဲ့သည်။

တရုတ်သမ္မတ ရှီကျင့်ဖျင်သည်   ဇွန်  ၁၂ ရက်မှ ၁၆ ရက်အထိ ကာဂျစ္စတန်နှင့် တာဂျစ်ကစ္စတန်နိုင်ငံများသို့ သွားရောက်မည်ဖြစ်ကြောင်း တရုတ်နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူတစ်ဦးက ယနေ့ကြေညာခဲ့သည်။

ဗင်နီဇွဲလားအစိုးရ ကိုလံဘီယာနိုင်ငံနှင့်ထိစပ်သွယ်တန်းထားသည့် နယ်စပ်တံတားများကို  ပြန်လည်ဖွင့်လှစ်ပေးခဲ့ကြောင်း ယမန်နေ့သတင်းများအရ သိရသည်။

ဗြိတိန်ဝန်ကြီးချုပ်    ထရီဆာမေ၏    နေရာကိုရရှိမည့်သူအဖြစ်  တစ်ပြေးနေသည့်    ဘောရစ်ဂျွန်ဆင်သည်    ၄င်းအနေဖြင့် ဥရောပသမဂ္ဂက ပိုမိုကောင်းမွန်သည့်  ရုပ်သိမ်းရေး    အချိန်ကာလတစ်ခုကို သဘောတူညီမည့်အချိန်အထိ ဗြိတိန်၏ ဘရီးဇစ် ဥပဒေကြမ်းကို  ဟန့်တားထားနိုင်လိမ့်မည်ဖြစ်ကြောင်း  ဇွန်  ၈ ရက်တွင် ပြောကြားခဲ့သည်။

ဗင်နီဇွဲလားနိုင်ငံသည်  ကိုလံဘီယာနှင့် ထိစပ်နေသည့်နယ်စပ်ကို  စနေနေ့က ပြန်လည်ဖွင့်လှစ်လိုက်ကြောင်း သိရသည်။

သီရိလင်္ကာ သမ္မတ မိုင်သရီပါလာဆီရီဆီနာအနေဖြင့်  အီစတာပွဲတော် အသေခံဗုံးခွဲတိ်ုက်ခိုက်မှုမတိုင်မီ လုံခြုံရေးဆိုင်ရာ လစ်ဟင်းမှုနှင့်ပတ်သက်၍ အငြင်းပွားဖွယ် စုံစမ်းစစ်ဆေးမှုကို တမင်တကာဖျက်ဆီးခြင်းမပြုရန် သီရိလင်္ကာ ပါလီမန်လွှတ်တော်က သတိပေး လိုက်ကြောင်း သိရသည်။