ဖိလစ်ပိုင်နိုင်ငံ၌ ရေကြီးရေလျှံမှုဖြစ်ပွားသဖြင့်  လူပေါင်း ၉၂၀၀၀ ကျော် ဘေးကင်းရာသို့ရွှေ့ပြောင်း

ဖိလစ်ပိုင်အစိုးရက နိုင်ငံတောင်ပိုင်းရှိမြို့များတွင် ရေကြီးရေလျှံမှု ဖြစ်ပွားခဲ့သဖြင့်  လူပေါင်း ၉၂၃၁၉ ဦး ထက်မနည်းအား ဘေးကင်းရာသို့ရွှေ့ပြောင်းပေးခဲ့သည်ဟု အစိုးရအေဂျင်စီက ယမန်နေ့က ပြောကြားသည်။
ပါကစ္စတန်နိုင်ငံ၌ မိုးကြိုးပစ်မှုကြောင့် ၁၀ ဦးသေဆုံး၊ ခြောက်ဦးဒဏ်ရာရ
ပါကစ္စတန်နိုင်ငံ အရှေ့ပိုင်းပန်ဂျပ်ပြည်နယ်တွင် ယမန်နေ့က မိုးကြိုးပစ်မှုကြောင့် ၁၀ ဦးသေဆုံးပြီး အခြားခြောက်ဦး ဒဏ်ရာရရှိခဲ့ကြောင်း ကယ်ဆယ်ရေးတာဝန်ရှိသူများက ပြောကြားသည်။
တောင်အာဖရိက၌ ကာလဝမ်းရောဂါဖြစ်ပွားမှုကြောင့် ၄၃ ဦး သေဆုံး
တောင်အာဖရိကတွင် ကာလဝမ်းရောဂါကူးစက်ဖြစ်ပွားသူ ၁၉၇ ဦး ရှိကြောင်း အတည်ပြုထားပြီး ထိုရောဂါဖြစ်ပွားမှုကြောင့် ၄၃ ဦးသေဆုံးကြောင်း ကျန်းမာရေးဌာနက ယမန်နေ့က ပြောကြားသည်။
ဂျပန်နိုင်ငံ၌  ၂၀၂၂ ခုနှစ်အတွင်း သေဆုံးသူပေါင်း ၁ ဒသမ ၅၆ သန်းကျော်ရှိ
ဂျပန်နိုင်ငံတွင် ၂၀၂၂ ခုနှစ်အတွင်း သေဆုံးသူပေါင်း ၁ ဒသမ ၅၆ သန်းကျော်ရှိရာ ပြီးခဲ့သည့်နှစ်က သေဆုံးသူပေါင်း၏ ကိုးရာခိုင်နှုန်းနီးပါးမြင့်တက်ခဲ့သည်ဟု ကျန်းမာရေးဝန်ကြီးဌာနက ပြောကြားသည်။
အိန္ဒိယနိုင်ငံ၌ အဆောက်အဦနှစ်လုံး ပြိုကျမှုကြောင့် နှစ်ဦးပိတ်မိ၊ နှစ်ဦးသေဆုံး
အိန္ဒိယနိုင်ငံ၏ စီးပွားရေးမြို့တော် မွမ်ဘိုင်းတွင် သီးခြားအဆောက်အဦနှစ်လုံး ပြိုကျမှုကြောင့် ယမန်နေ့က နှစ်ဦးသေဆုံးပြီး အခြားနှစ်ဦးပိတ်မိခဲ့ကြောင်း တာဝန်ရှိသူများက ပြောကြားသည်။
အိန္ဒိယနိုင်ငံ၌ ကားတစ်စီး ချောက်နက်ထဲထိုးကျသဖြင့် ၁၀ ဦးသေဆုံး
အိန္ဒိယနိုင်ငံမြောက်ပိုင်း ဥတ္တရာခန်ပြည်နယ်တွင် ယမန်နေ့က ကားတစ်စီး ချောက်နက်ထဲသို့ထိုးကျခဲ့သဖြင့် လူ ၁၀ ဦးထက်မနည်းသေဆုံးခဲ့ကြောင်း တာဝန်ရှိသူများက ပြောကြားသည်။
အမေရိကန်နိုင်ငံ၌ လေဆင်နှာမောင်းတိုက်ခတ်မှုကြောင့် လူသုံးဦးထက်မနည်းသေဆုံး
ထိုပြည်နယ်တွင် အပူချိန်ဆက်လက်မြင့်မားနေဆဲဖြစ်သည်ဟု ၎င်းတို့ကဆိုသည်။