တရုတ်နိုင်ငံ၏ ရှင်ကျန်းဝီဂါ ကိုယ်ပိုင်အုပ်ချုပ်ခွင့်ရဒေသသို့ ကုလသမဂ္ဂလူ့အခွင့်အရေး ကိုယ်စားလှယ် လာရောက်လည်ပတ်ခွင့်ပြုရန် မျှော်လင့်ပါကြောင်း ကုလသမဂ္ဂအတွင်းရေးမှူးချုပ် ဂူတာရက်စ်က တရုတ်ထိပ်တန်းခေါင်းဆောင်များအား ပြောကြားခဲ့သည်။

ဗြိတိန်ဘုရင်မကြီး အဲလစ်ဇဘတ် သည် ဖေဖော်ဝါရီ ၆ ရက်က ထီးနန်း နန်းစံခြင်း နှစ် (၇၀) ပြည့်ပြီ ဖြစ်သည်။ ဘုရင်မကြီးသည် ၁၉၅၂ ခုနှစ် ဖေဖော်ဝါရီ ၆ ရက် သူမ၏အသက် ၂၅ နှစ်တွင် ထီးနန်း ဆက်ခံခဲ့သည်။ ဘုရင်မကြီးသည် နိုင်ငံ၏ နန်းသက်အကြာဆုံး ဘုရင်မကြီးလည်း ဖြစ်သည်။

လစ်ဗျားနိုင်ငံတစ်ဝန်း ကိုဗစ်-၁၉ ကူးစက်မှုများပြားလာစဉ် အများပြည်သူနှင့် သက်ဆိုင်သည့်ဧရိယာ များ၌ ကိုဗစ်-၁၉ အကာအကွယ်များကို ကျင့်သုံးသွားရန် အာဏာပိုင်များအား လစ်ဗျားကူးစက်ရောဂါ ထိန်းချုပ်ရေး အမျိုးသားစင်တာက ဖေဖော်ဝါရီ ၅ ရက်တွင် တောင်းဆိုခဲ့သည်။

တူရကီသမ္မတ ရီဆက်တိုင်ရက် အာဒိုဂန်က ၎င်းတွင် ကိုဗစ်-၁၉ ကူးစက်ခံထားရကြောင်း ပြောကြားခဲ့ သည်။ သမ္မတအာဒိုဂန်က၎င်းတို့ ဇနီးမောင်နှံနှစ်ဦးလုံးတွင် ကိုဗစ်-၁၉ ကူးစက်ခံထားရကြောင်းနှင့် အိုမီခရွန်၏ အပျော့စားလက္ခဏာများသာ ခံစားရကြောင်း တွစ်တာပေါ်တွင် ရေးသားခဲ့သည်။ တူရကီသမ္မတသည် ဖေဖော်ဝါရီ ၃ ရက်တွင် ယူကရိန်းသမ္မတ ဗိုလိုဒီမာ ဇီလန်စကီးနှင့် ကီယက်ဗ်မြို့၌ တွေ့ဆုံခဲ့သည်။ ယူကရိန်းနိုင်ငံနှင့် ရုရှားနိုင်ငံတို့ကြား တင်းမာမှုများကို ဖြေလျှော့ပေးရန်အတွက် ကြားဝင်ဆောင်ရွက်ပေးရန် ဆန္ဒရှိကြောင်း အာဒိုဂန်က ၎င်း၏ သဘောဆန္ဒကိုဖော်ပြခဲ့ပြီး နေအိမ်၌ပင် အလုပ်လုပ်ကိုင်သွားမည်ဖြစ်ကြောင်း တူရကီသမ္မတက ပြောသည်။