အမေရိကန် ဆေးဝါးကုမ္ပဏီ Pfizer က ၉၅ ရာခိုင်နှုန်း ထိရောက်သည်ဆိုသော အလားအလာ ကောင်းသည့် ဗိုင်းရပ်စ်ကာကွယ်ဆေးအား အရေးပေါ် သုံးစွဲရေး ခွင့်ပြုချက် ရယူရန် ကြိုးစားလျက်ရှိသည်။

ဘရာဇီးနိုင်ငံတွင် ကိုဗစ်- ၁၉ ကူးစက်ဖြစ်ပွားမှု အဆိုးဆုံး ဖြစ်သည့်  နိုင်ငံအရှေ့တောင်ပိုင်း   ဆော်ပိုလိုပြည်နယ်တွင် ရောဂါကူးစက်မှုအရှိန်မြင့်လျက်ရှိပြီး  ဆေးရုံတက်ရသည့် လူနာအရေအတွက်  ပိုမိုများပြားလာသည့်အတွက် အဝင် အထွက်ကန့်သတ်ပိတ်ဆို့မှုကို လာမည့် ဒီဇင်ဘာ ၁၆ ရက် အထိ အချိန်ထပ်တိုးရန် ဆုံးဖြတ်လိုက်ကြောင်း သိရသည်။

ရွေးကောက်ပွဲအလွန် ကာလရောက်ရှိပြီဖြစ် သဖြင့် အမေရိကန်သမ္မတ ထရမ့်အနေဖြင့် ကိုဗစ်-၁၉ ရောဂါဆိုင်ရာ အချက်အလက်များ အားလုံးကို ရွေးကောက်ခံသမ္မတ ဘိုင်ဒင်ထံ သို့ ဝေမျှပေးရန်လိုအပ်ကြောင်း အမေရိကန် ထိပ်တန်းဆေးဘက်ဆိုင်ရာ ပညာရှင်များက နိုဝင်ဘာ ၁၇ ရက်က အိတ်ဖွင့်ပေးစာတစ်စောင် ပေးပို့ တိုက်တွန်းခဲ့သည်။

လူမှုကွန်ရက်ပလက်ဖောင်းများပေါ်တွင် ပျံ့နှံ့နေသည့် အမေရိကန်သမ္မတရွေးကောက်ပွဲသတင်း အမှားများနှင့် ပတ်သက်ပြီး ဖေ့စ်ဘွတ်နှင့် တွစ်တာတာဝန်ရှိသူတို့က အမေရိကန်အထက် လွှတ်တော်နှင့် ဗီဒီယိုမှတစ်ဆင့် ဖြေရှင်းချက်ပေးခဲ့ကြောင်း သိရသည်။

ဗြိတိန်နိုင်ငံမှာ ၂၀၃၀ ခုနှစ်တွင် ဓါတ်ဆီနဲ့ ဒီဇယ်ကားတွေ ရောင်းချပိတ်သိမ်းမယ်လို့ ဝန်ကြီးချုပ် ဂျွန်ဆင်က ဗုဒ္ဓဟူးနေ့မှာ ကြေညာမယ်လို့ ဆိုပါတယ်။