တရားမဝင် ရွှေလုပ်ငန်းလုပ်ကိုင်စဉ် ဆင်မွှေးကျေးရွာသူ/ကျေးရွာသားများ၏ သတင်းပေးချက်အရ ဖမ်းဆီးခံရသည်ဟု ယူဆသဖြင့် ၎င်းရွာအား လက်စားချေလို၍ ခိုင်းစေခြင်းဖြစ်ကြောင်း ကနဦးစိစစ်ချက်အရ သိရှိရပြီး ပြစ်မှုကျူးလွန်သူ (၂)ဦးကို ဖမ်းဆီးအရေးယူထားကြောင်း မြန်မာနိုင်ငံရဲတပ်ဖွဲ့ ထုတ်ပြန်ချက်အရ သိရှိရသည်။

ရှမ်းပြည်နယ်(တောင်ပိုင်း)၊ လွိုင်လင်ခရိုင်၊ လွိုင်လင်မြို့နယ်၌ စိုက်ပျိုးထားသော ဘိန်းခင်းများအား မြန်မာနိုင်ငံ ရဲတပ်ဖွဲ့၊ နယ်မြေခံ တပ်မတော်၊ အထွေထွေ အုပ်ချုပ်ရေး ဦးစီးဌာန၊ မြန်မာနိုင်ငံ မီးသတ်တပ်ဖွဲ့၊ မြို့နယ် လယ်ယာမြေ စီမံခန့်ခွဲရေးနှင့် စာရင်းအင်း ဦးစီးဌာန၊ သစ်တော ဦးစီးဌာနတို့ ပါဝင်သော ပူးပေါင်းအဖွဲ့များ ဖွဲ့စည်းကာ  အဖွဲ့ လေးဖွဲ့ခွဲ၍ ၂၀၂၀ ပြည့်နှစ် ဒီဇင်ဘာ ၃ ရက်မှ စတင်ကာ ဖျက်ဆီးလျက်ရှိကြောင်း သိရသည်။