နေပြည်တော်  ၁၀  ဇန်နဝါရီ 

 

ရဲတပ်ဖွဲ့ဝင်များပါဝင်သော ပူးပေါင်းအဖွဲ့မှ သတင်းအရ ဝိုင်းမော် မြို့နယ်၊ မဒိန်းကျေးရွာအနီး မဒိန်းကျေးရွာနှင့် လဘန်ကျေးရွာသွား တောလမ်း၌ ဝိုင်းမော်မြို့နယ်၊ ဝူယန်ကျေးရွာနေသူ ဟွမ်ထန်ကျိနှင့် ရှဲအိမ်ကျွမ်တို့ နှစ်ဦးမောင်းနှင်လာသည့် SHAYAN 125 ဆိုင်ကယ်အား ဇန်နဝါရီ ၉ ရက် မွန်းလွဲ ၁၂ နာရီခွဲက ရပ်တန့်စစ်ဆေးရာ ဆပ်ပြာခွက် ၁၁ ခွက်ဖြင့်ထည့်ထားသည့် ဘိန်းဖြူမှုန့် ဝ ဒသမ ၁၂၁ ကီလိုဂရမ်နှင့်အတူ ဖမ်းဆီးရမိခဲ့သည်။

ညောင်ဦးမြို့နယ် မြင်းကပါကျေးရွာတွင် ယနေ့ နံနက်ပိုင်းက လူနေအိမ် အဆောက်အဦ ဆောက်ရန်အတွက် နေအိမ်ဝိုင်းအတွင်း လိုင်းကျင်းတူးဖော်ရာမှ ၈၁ မမ စိန်ပြောင်း အမျိုးအစား(ဒလက်ပါ) ဗုံးသီး ဟောင်းတစ်လုံး တူးဖော်တွေ့ရှိခဲ့ကြောင်း ပုဂံနယ်မြေရဲစန်းမှ သိရသည်။ 

ကချင်ပြည်နယ် ဗန်းမော်ခရိုင် မြို့လှမြို့တွင် တရားမဝင် အင်၊ကညင်သစ်လုံး ၁၀လုံး (၄ဝ ဒသမ ၁၇) တန်ကို ပိုင်ရှင်မဲ့ဖမ်းဆီးရမိခဲ့ကြောင်း သိရသည်။

မန္တလေးတိုင်းဒေသကြီး၊ ပုဂံမြို့ မြင်းကပါတွင် ဒုတိယကမ္ဘာစစ်လက်ကျန် စိန်ပြောင်းပစ်ဗုံးတစ်လုံးကို ဇန်နဝါရီလ ၁၀ ရက်နေ့  နံနက် ၁၁ နာရီအချိန်က တွေ့ရှိခဲ့သည်။