မန္တလေးတိုင်းဒေသကြီး   မြင်းခြံခရိုင်  နွားထိုးကြီးမြို့နှင့်အနီး ဆံရစ်ဝိုင်းတို့ရွာဟုခေါ်သော ခံစပ်ကုန်းရွာနံဘေးတွင် ရှေးဟောင်းဗိသုကာ လက်ရာများတည်ရှိရာ စကြာတောင်ကို လေ့လာနိုင်သည်။ စကြာတောင်သည် မြင်းခြံ-ရေဝန်း လမ်းမကြီး၏ လမ်းပိုင်းပေါ်မှကြည့်လျှင် မြင်တွေ့နေရသော တောင်စဉ်တောင်တန်းများထဲမှ ကကြီးပုံဏ္ဌာန်မြင်တွေ့နေရသော တောင်အမြွှာ မောင်နှမပင်ဖြစ်သည်။ စကြာတောင်သည် မြင်းခြံခရိုင် နွားထိုးကြီးမြို့နယ်တွင် တည်ရှိပြီး  မြင်းခြံမြို့၏ အရှေ့ဘက် (၁၄)မိုင်ခန့်၊ နွားထိုးကြီးမြို့၏ အနောက်မြောက်ယွန်းယွန်း (၉)မိုင်ခန့် အကွာတွင် တည်ရှိသည်။