ကယားပြည်နယ် လွိုင်ကော်မြို့၌ ရောက်ရှိနေသည့် အမျိုးသားခရီးသွား လုပ်ငန်း ဖွံ့ဖြိုးတိုးတက်ရေး ဗဟိုကော်မတီဥက္ကဋ္ဌ ဒုတိယသမ္မတ ဦးဟင်နရီဗန်ထီးယူ သည် ကယားပြည်နယ် ဝန်ကြီးချုပ် ဦးအယ်ဖောင်းရှို၊  ဒုတိယဝန်ကြီး ဗိုလ်ချုပ်မြင့်နွယ်၊ ဗိုလ်ချုပ်သန်းထွဋ်နှင့် ဦးတင်မြင့်၊ တာဝန်ရှိသူများနှင့်အတူ ယနေနံနက်ပိုင်းတွင် ဘောလခဲမြို့နယ်ရှိ နယ်စပ်ရေးရာဝန်ကြီးဌာနပညာရေးနှင့် လေ့ကျင့်ရေးဦးစီးဌာန နယ်စပ်ဒေသတိုင်းရင်းသားလူငယ်များ ဖွံ့ဖြိုးရေးသင်တန်းကျောင်း (ဘောလခဲ)သို့ ရောက်ရှိကြသည်။

သူနာပြုတက္ကသိုလ် (ရန်ကုန်) ဘက်စုံဖွံ့ဖြိုးတိုးတက်စေရေးအတွက် သင်ကြား သင်ယူမှု၊ သင်ရိုးညွှန်းတမ်း၊ သင်ကြားမှုနည်းစနစ်နှင့် ဘွဲ့ကြို/ဘွဲ့လွန်များ မွေးထုတ် ပေးနိုင်မှုစသည့် အခြေအနေများ၊ တွေ့ကြုံရသည့် အခက်အခဲနှင့် စိန်ခေါ်မှုများ၊ ပံ့ပိုး ပေးရန် လိုအပ်မည့် အချက်များနှင့် စပ်လျဉ်း၍ ပါမောက္ခချုပ်၊ ဌာနမှူးများ၊ ဆရာ၊ ဆရာမများနှင့် တွေ့ဆုံပွဲကို ယနေ့နံနက်ပိုင်းတွင် သူနာပြုတက္ကသိုလ် (ရန်ကုန်)၌  ကျင်းပသည်။

သစ်တောဦးစီးဌာနနှင့် UNREDD အစီအစဉ်၊ FAO အဖွဲ့တို့ ပူးပေါင်းဆောင်ရွက် လျက်ရှိသည့် နိုင်ငံအဆင့် သစ်တောသယံဇာတစာရင်း ကောက်ယူခြင်း စမ်းသပ် လုပ်ငန်းများအပေါ် ပြန်လည်သုံးသပ်ခြင်း အလုပ်ရုံ ဆွေးနွေးပွဲကို ယနေ့ နံနက်ပိုင်းတွင် နေပြည်တော် ရေဆင်းရှိ သစ်တောသုတေသနဌာန၌  ကျင်းပသည်။