ပြည်ထောင်စုသမ္မတ မြန်မာနိုင်ငံတော်အစိုးရ၏ ၂၀၁၉ ခုနှစ် ဝါဆိုသင်္ကန်း ဆက်ကပ်လှူဒါန်းပွဲမင်္ဂလာ အခမ်းအနားကို ယနေ့နံနက် ၉ နာရီခွဲတွင် နေပြည်တော်ရှိ ဥပ္ပါတသန္တိစေတီတော် သာသနာ့မဟာဗိမာန်တော်၌ ကျင်းပရာ နိုင်ငံတော်သမ္မတ ဦးဝင်းမြင့်နှင့်ဇနီး ဒေါ်ချိုချို၊ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့ တက်ရောက်ကြည်ညိုကြပြီး ဝါဆိုသင်္ကန်းနှင့် လှူဖွယ်ဝတ္ထုပစ္စည်းများ ဆက်ကပ်လှူဒါန်း ကြသည်။

 

 

မန္တလေးတိုင်းဒေသကြီး၊ ကျောက်ပန်းတောင်းမြို့နယ်အတွင်းရှိ  မြို့ပေါ်ရပ်ကွက်များနှင့် ကျေးရွာများ လျှပ်စစ်ဓာတ်အား လုံလောက်စွာ အသုံးပြုနိုင်ရန်အတွက်၊ အဆင့်မြင့် ထရန်စဖော်မာ အစားထိုး တပ်ဆင်ခြင်းလုပ်ငန်းများကို ဇူလိုင် (၁၀)ရက် နံနက်(ဝ၀)နာရီက စတင်ဆောင်ရွက်ခဲ့ရာ ဇူလိုင်(၁၁)ရက်နေ့၊ ည ၈ နာရီ ၄၅ မိနစ်တွင် တပ်ဆင်မှုလုပ်ငန်း များပြီးစီးခဲ့ကြောင်း သိရသည်။