၂၀၁၈-၂၀၁၉ ဘဏ္ဍာနှစ် (အောက်တိုဘာလ မှ မေလထိ) (ယာယီ) မြန်မာနိုင်ငံ၏ ပြည်ပပို့ကုန်တန်ဖိုးမှာ အမေရိကန်ဒေါ်လာ (၁၁၃၀၆) သန်း နှင့် ပြည်ပသွင်းကုန်တန်ဖိုး အမေရိကန် ဒေါ်လာ (၁၂၁၈၅) သန်း ရှိသဖြင့် ပြည်ပကုန်သွယ်မှုပမာဏ အမေရိကန်ဒေါ်လာ (၂၃၄၉၁) သန်း ဆောင်ရွက်နိုင်ခဲ့ပါသည်။

မောင်တောမြို့နယ်၊ နယ်မြေ(၅)၊ အမှတ်(၂)နယ်ခြားစောင့်ရဲတပ်ဖွဲ့ခွဲ၊ ရွက်ညိုတောင် ရဲကင်းစခန်းမှ တပ်ဖွဲ့ဝင်များသည် ဇွန် ၁၉ ရက် နံနက် ၁၀ နာရီ ၄၅ မိနစ်က ရေယာဉ်တပ်ဖွဲ့စု (မောင်တော)မှ ငါးမန်းအမြန်သွား တိုက်ခိုက်ရေးရေယာဉ် အမှတ် (ဝ၀၃)ပါ(၂)စီး ၊ ဘင်္ဂလား ဒေ့ရှ်နိုင်ငံ၊ အမှတ်(၂)နယ်ခြားစောင့်တပ် Domdomia BOP ကင်းစခန်းမှ Subedar MD, Najrul Islam နှင့်တပ်ဖွဲ့ဝင်များသည် စက်တပ်ရေယာဉ် (၂)စီး ၊ စုစုပေါင်း ၄ စီးတို့သည် နှစ်နိုင်ငံ နယ်နိမိတ်အနီး နတ်မြစ် မြစ်လယ်ရှိမင်္ဂလာကြီးချောင်းဝထိပ် ရေမိုင်အမှတ်(၈)မှ ဦးရှည်ကျ ချောင်းဝထိပ် ရေမိုင် အမှတ်(၁၁)အနီးထိ နတ်မြစ်ကြောင်းအတိုင်း နှစ်နိုင်ငံ နှစ်ဖက် ညှိနှိုင်း၍ ရေမိုင်ကင်းလှည့်ခဲ့ပြီး ရေယာဉ်အမှတ်(ဝ၀၃)ပေါ်၌ နှစ်ဖက်ကင်းလှည့်သည့် အဖွဲ့များ တွေ့ဆုံဆွေးနွေးခဲ့ကြောင်း ရဲပြန်ကြားမှ သိရသည်။

သဘာဝခေါ်သံဖောင်ဒေးရှင်းက ကြီးမှူးကျင်းပမည့် တက္ကသိုလ်ခြေလျင်နှင့် တောင်တက်အသင်း ၂၄ ကြိမ်မြောက် ဂုဏ်ပြုပွဲကို ဇွန် ၂၄ ရက် မွန်းလွဲ ၁ နာရီတွင် ရန်ကုန်မြို့ ဗဟန်းရွှေဂုံတိုင်လမ်း တော်ဝင်နှင်းဆီသီရိခန်းမ ၌ ကျင်းပမည်ဖြစ်ကြောင်း သိရသည်။

ရန်ကုန်အရှေ့ပိုင်းခရိုင်၊ ပုဇွန်တောင်မြို့နယ် မြို့နယ်ပြန်/ဆက်ဦးစီးဌာနနှင့် ပညာရေးဌာန၊ မြို့နယ် စာရေးဆရာအသင်းတို့  ပူးပေါင်းမှုဖြင့် လူငယ်နှင့် မူးယစ်ဆေးဝါးအန္တရာယ် ခေါင်းစဉ်ဖြင့် ............