နိုင်ငံတော်အတိုင်ပင်ခံရုံးဝန်ကြီးဌာန ညွှန်ကြားရေးမှူးချုပ် ဦးဇော်ဌေးသည် သတင်းမီဒီယာများနှင့် ယနေ့ညနေ ၄ နာရီခွဲတွင် နေပြည်တော်ရှိ သမ္မတအိမ်တော် သတင်းစာရှင်းလင်းခန်းမ၌တွေ့ဆုံပြီး နိုင်ငံတော်သမ္မတ၊ နိုင်ငံတော်၏အတိုင်ပင်ခံ ပုဂ္ဂိုလ်တို့၏ လတ်တလောဆောင်ရွက်ချက်များ၊ နိုင်ငံတော်၏ လက်ရှိဖြစ်ပေါ်လျက်ရှိ သည့် နိုင်ငံရေး၊ လူမှုရေး၊ စီးပွားရေး အခြေအနေများအား ရှင်းလင်းပြောကြားသည်။ 

အဂတိလိုက်စားမှုတိုက်ဖျက်ရေးကော်မရှင်နှင့် ပညာရေးဝန်ကြီးဌာနတို့ ပူပေါင်းဖွင့်လှစ်သော “ဖြောင့်မတ်တည်ကြည်မှု” လူငယ်စခန်း၂၀၁၉ (Youth Integrity Camp 2019) စခန်းသိမ်းပွဲ အခမ်းအနားကို ယနေ့ ညနေ ၃ နာရီ မိနစ် ၂၀ တွင် နေပြည်တော်ရှိ သင်္ဂဟဟိုတယ် Grand Ballroom ခန်းမ၌ ကျင်းပသည်။ 

ရခိုင်ပြည်နယ် တည်ငြိမ်အေးချမ်းရေး အထောက်အကူပြုကော်မတီ ညှိနှိုင်း အစည်းအဝေးကို ယနေ့မွန်းလွဲ ၁ နာရီတွင် နေပြည်တော်ရှိ လွှတ်တော် အဆောက်အအုံရေးရာ ကော်မတီဆောင် I- 20 ၌ ကျင်းပသည်။

သာသနာရေးနှင့် ယဉ်ကျေးမှုဝန်ကြီးဌာန ရှေးဟောင်းသုတေသနနှင့် အမျိုးသား ပြတိုက်ဦးစီးဌာန၊ အမျိုးသားပြတိုက် (ရန်ကုန်)မှ စီစဉ်ကျင်းပသော “ ရှမ်းစော်ဘွားကြီး များ၏ ရှားပါးဝတ်စုံပြပွဲ (Exhibition of the Rare Traditional Costumes of the Shan SawBwas)” ကို ဇွန် ၉ ရက် မှ ၁၈ ရက်အထိ နံနက် ၉ နာရီခွဲမှ ညနေ့ ၄ နာရီခွဲအထိ အမျိုးသားပြတိုက်(ရန်ကုန်)၊ အမှတ်(၆၆/၇၄) ပြည်လမ်း၊ ဒဂုံမြို့နယ်တွင် ခင်းကျင်း ပြသထားမည်ဖြစ်ပြီး စိတ်ပါဝင်စားသူ မည်သူမဆို အခမဲ့ လာရောက်ကြည့်ရှု နိုင်ကြောင်းသိရသည်။  

ပြန်ကြားရေးဝန်ကြီးဌာနနှင့် ပညာအင်စတီကျူ(Panna Institute) တို့ ပူးပေါင်းပြီး ဂျာမန်ဖောင်ဒေးရှင်းဖြစ်သည့် Konrad Adenauer Stifung (KAS Myanmar) ၏ ပံ့ပိုးကူညီမှုဖြင့် ပြုလုပ်သည့် သုတေသနနည်းနာနိဿယ၊ ပြည်သူ့ဆက်ဆံရေးနှင့် သတင်းအချက်အလက် စီမံခန့်ခွဲမှုဆိုင်ရာ သင်တန်းဆင်းပွဲအခမ်းအနားကို ယနေ့ ညနေ ၄ နာရီ ၄၅ မိနစ်တွင် ပြန်ကြားရေးဝန်ကြီးဌာန စုပေါင်းခန်းမ၌ ကျင်းပသည်။