မန္တလေးတိုင်းဒေသကြီး၊ ပုဂံ-ညောင်ဦးမြို့နယ်အတွင်းရှိ သောက်သုံးရေအခက်ကြုံတွေ့နေရသည့် ကျေးရွာများသို့ သောက်သုံးရေဂါလန် ၂၁၄၀၀ ကျော်ကို မြင့်မြတ်သူ စေတနာသွေးလှူရှင်နှင့် လူနာတင်ယာဉ် ကူညီမှုအသင်းမှ ဇန်နဝါရီ ၃၁ ရက်က သွားရောက်လှူဒါန်းပေးခဲ့ကြောင်း သိရသည်။

ဧရာဝတီတိုင်းဒေသကြီး၊ ပုသိမ်ခရိုင်၊ ကန်ကြီးထောင့်မြို့နယ် ကျေးလက်ဒေသ ဖွံ့ဖြိုးတိုးတက်ရေးဦးစီးဌာနမှ ၂၀၂၀-၂၀၂၁ ဘဏ္ဍာရေးနှစ် ခွင့်ပြုရန်ပုံငွေကျပ် ၈၂ ဒသမ ၇၈ သန်းဖြင့် ကျေးရွာ(၉)ရွာတွင် ရေရရှိရေးလုပ်ငန်းများကို အကောင်အထည်ဖော် ဆောင်ရွက်လျက်ရှိရာ လုပ်ငန်းဆောင်ရွက်နေမှုများကို တာဝန်ရှိသူများမှ ဇန်နဝါရီ ၃၀ ရက် နံနက် ၁၀ နာရီက ကွင်းဆင်းစစ်ဆေးခဲ့ကြောင်း သိရသည်။

နိုင်ငံတော်သံဃမဟာနာယကအဖွဲ့ဝင် ပဲခူးမြို့ဝင်း နိမ္မိတာရုံကျောင်းတိုက်ဆရာတော်နှင့် မြို့နယ်သံဃနာယကဥက္ကဋ္ဌ (ရွှေကျင်) ရွှေချောင်းတောရစာသင်တိုက် ဆရာတော်တို့မှ နိုင်ငံတော်၏ ကိုဗစ်-၁၉ ရောဂါ ကာကွယ်ဆေးဝယ်ယူနိုင်ရေး အလှူငွေပေးအပ်လှူဒါန်းခြင်း အခမ်းအနားကို ဇန်နဝါရီ ၃၀ ရက် မွန်းလွဲပိုင်းက အဆိုပါဆရာ‌တော်များ၏ ကျောင်းတိုက်များတွင် ကျင်းပပြုလုပ်သည်။

ပဲခူးတိုင်းဒေသကြီး ဝေါမြို့နယ် အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမတွင် ဇန်နဝါရီ ၃၀ ရက် နံနက် ၁၀ နာရီက ဒိုက်ဦး-စစ်တောင်း မဟာဗျူဟာလမ်း ဖောက်လုပ်မှုစီမံကိန်းတွင် ပါဝင်သွားသည့် မြေယာများအတွက် လျော်ကြေးငွေ‌ပေးအပ်ခြင်း အခမ်းအနားကျင်းပြုလုပ်သည်။

ပဲခူးတိုင်းဒေသကြီး၊ ရေတာရှည်မြို့နယ်တွင် ဆွာချောင်းရေလှောင်တမံမှ နွေစပါးစိုက်ပျိုးရန် ဒီဇင်ဘာ ၁၀ ရက်မှစတင်၍ ကျေးရွာအုပ်စု ၁၀ ခုရှိ ဧက ၁၀၀၀၀ ကျော်အား လျာထားချက်အတိုင်း ရေများစတင်ပေးဝေခဲ့ပြီး စိုက်ပျိုးပြီးတစ်လကျော်နှင့်