လေးလအကြာ ပိတ်သိမ်းထားသော ရန်ကုန်တိုင်းဒေသကြီး တာမွေမြို့နယ်ရှိ ယုဇနပလာဇာဈေးကြီးကို ယနေ့နံနက်ပိုင်းမှ စတင်ကာ ကျန်းမာရေးနှင့် အားကစားဝန်ကြီးဌာနက ချမှတ်ထားသော ကိုဗစ်-၁၉ စည်းကမ်းချက်များနှင့်အညီ ပြန်လည်၍ စတင်ဖွင့်လှစ်လိုက်ပြီ ဖြစ်သည်။

မန္တလေးခရိုင်အတွင်း ကိုရိုနာဗိုင်းရပ်စ်ပိုးတွေ့ရှိမှု လျော့နည်းလာသောကြောင့် သီးသန့်စောင့်ကြည့်ရေးစင်တာများကို လျှော့ချသွားမည်ဟု မန္တလေးတိုင်းဒေသကြီး ဝန်ကြီးချုပ် ဒေါက်တာဇော်မြင့်မောင်က ပြောသည်။

ဟိုတယ်နှင့် ခရီးသွားလာရေးလုပ်ငန်းဝန်ကြီးဌာန၏ ပူးပေါင်းပါဝင်မှုဖြင့် ရန်ကုန်တိုင်းဒေသကြီး အစိုးရအဖွဲ့နှင့် ရန်ကုန်တိုင်းဒေသကြီး ကျန်းမာရေးဉီးစီးဌာနတို့ အကောင်အထည်ဖော် ဆောင်ရွက်သည့် Stop Covid Yellow Campaign ဆိုင်းဘုတ်ဖွင့်ပွဲ အခမ်းအနားကို ယနေ့ နံနက် ၉ နာရီတွင် ရန်ကုန်မြို့ ချက်ထရီယမ်ဟိုတယ် ရွိုင်ရယ်လိခ်(ရန်ကုန်)၌ ကျင်းပရာ ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်း တက်ရောက်ဖွင့်လှစ်သည်။