ရှမ်းပြည်နယ် ပြည်သူလူထု စားနပ်ရိက္ခာ ထောက်ပံ့ရေးကော်မတီသည် ကယားပြည်နယ်အတွင်းရှိ Facility Quarantine ဝင်ရောက်နေကြသည့် စောင့်ကြည့်လူနာများအတွက် ငွေကျပ်သိန်း ၃၀၀၊ စားနပ်ရိက္ခာထုပ်များနှင့် COVID-19 ကာကွယ်ရေးပစ္စည်းများ စုစုပေါင်း တန်ဖိုးငွေကျပ် ၄၇၄ ဒသမ ၇၈ သိန်းကို ယနေ့ညနေပိုင်းက ကယားပြည်နယ်အစိုးရအဖွဲ့ရုံး အစည်းအဝေးခန်းမ၌ ထောက်ပံ့ပေးအပ်လှူဒါန်းခဲ့သည်။ 

နယ်စပ်ရေးရာဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီးရဲအောင်သည် ရှမ်းပြည်နယ်အစိုးရအဖွဲ့ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးလှဦး၊ အမြဲတမ်းအတွင်းဝန် ဦးရဲနိုင်နှင့်အတူ ရှမ်းပြည်နယ် (တောင်ပိုင်း) တွင် ဒေသဖွံ့ဖြိုးရေးနှင့် လူ့စွမ်းအားအရင်းအမြစ် ဖွံ့ဖြိုးရေးကိစ္စရပ်များကို ကွင်းဆင်းကြည့်ရှု စစ်ဆေးသည်။