စစ်ကိုင်းတိုင်းဒေသကြီး နာဂကိုယ်ပိုင်အုပ်ချုပ်ခွင့်ရဒေသ လဟယ်မြို့နယ်တွင် ကိုဗစ်-၁၉ စီးပွားရေးကုစားမှု စီမံကိန်း Cash For Work အစီအစဉ်ဖြင့်  စီမံကိန်းလုပ်ငန်းခွဲများဆောင်ရွက်မှု ၈၀ ရာခိုင်နှုန်း ပြီးစီးပြီ ဖြစ်ကြောင်း၊ လဟယ်မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနက ဦးစိုင်းဝင်းဝင်းထွန်းထံမှ သိရသည်။ 

မကွေးတိုင်းဒေသကြီး၊ နတ်မောက်မြို့တွင် မြို့အင်္ဂါရပ်နှင့်အညီ ရေစီးရေလာ ကောင်းမွန်စေရေးအတွက် မြို့နယ်စည်ပင်သာယာရေးအဖွဲ့မှ ၂၀၁၉-၂၀၂၀ ဘဏ္ဍာရေးနှစ်၊ တိုင်းဒေသကြီးအစိုးရအဖွဲ့ အထွေထွေပိုလျှံ ရန်ပုံငွေဖြင့် မြစည်းခုံလမ်း ကျောက်ရိုးစီရေမြောင်းဆောင်ရွက်မှု ရာနှုန်းပြည့်ပြီးစီးကြောင်း သိရသည်။

မကွေးတိုင်းဒေသကြီး တောင်တွင်းကြီးမြို့နယ်တွင် ဟိုတယ်၊ မိုတယ်နှင့် တည်းခိုခန်းများအား ကျန်းမာရေးနှင့် အားကစားဝန်ကြီးဌာနမှ ထုတ်ပြန်ထားသည့် ညွန်ကြားချက်များနှင့်အညီ လိုက်နာဆောင်ရွက်မှု ရှိ/မရှိ ယနေ့ နံနက် ၈ နာရီက လိုက်လံကြည်ရှုစစ်ဆေးခဲ့ကြောင်း သိရသည်။

ကော့ကရိတ်မြို့နယ်၊ ကျေးရွာများသို့ COVID-19 ရောဂါ ကူးစက်ပြန့်ပွားမှု မရှိစေရေးအတွက် သဘာဝဘေး စီမံခန့်ခွဲမှုဆိုင်ရာ ဦးစီးဌာနမှ ရပ်ကွက်/ ကျေးရွာများသို့ အသိပညာပေး လက်ကမ်းစာစောင်များ ဖြန့်ဝေခြင်း၊ အသံချဲ့စက်ဖြင့် ရှောင်ရန်၊ ဆောင်ရန်အချက်များကို ဆော်ဩပေးခြင်းကို  စက်တင်ဘာ ၇ ရက်က ဆောင်ရွက်ခဲ့ကြောင်း သိရသည်။    

တံတားဦး  ၈   စက်တင်ဘာ