မကွေးတိုင်းဒေသကြီး တောင်တွင်းကြီးမြို့နယ် ချောင်းနက်ကျေးရွာ ကွင်းအမှတ်(၂၇၂၉) ချောင်းနက်အရှေ့ကွင်းရှိ  လယ်ဧက (၁၅၀)အား အကျိုးပြုမည့် မလိုမြောင်းအား စက်ယန္တရားများ အသုံးပြု၍ မေ ၁၆ ရက်မှစတင်ကာ ကိုယ်ထူကိုယ်ထ တူးဖော်လျက်ရှိကြောင်း သိရသည်။

ပထမဆုံးအကြိမ်အဖြစ် ဖွင့်လှစ်သည့် Hotel Guest List Management System စနစ် အသုံးပြုနိုင်ရေး သင်တန်းဖွင့်ပွဲကို မကွေးတိုင်းဒေသကြီး အစိုးရအဖွဲ့ရုံးရှိ လူ့စွမ်းအားအရင်းအမြစ်ဖွံ့ဖြိုးရေး သင်တန်းကျောင်းခန်းမ၌ မေ ၂၁ ၇က်နေ့ နံနက် ၁၀ နာရီ က ကျင်းပပြုလုပ်ခဲ့ကြောင်း သိရသည်။

အင်းလေးကန် ရေရှည်တည်တံ့ ထိန်းသိမ်းရေးအတွက် အင်းလေးကန် ရေဝေရေလဲဒေသအတွင်း သစ်ပင် ပေါက်ရောက်မှုမရှိသော တောင်ကတုံးများတွင် သစ်စေ့မြေလုံး (Seed Ball)များ ဆူးထိုးစိုက်ပျိုးခြင်းကို အင်းလေးအရှေ့ သစ်တောကြိုးဝိုင်းအတွင်းရှိ ရန်အောင်မြင်တောင်ကုန်းတွင် စိုက်ပျိုးဆောင်ရွက်ထားကြောင်း မြို့နယ်သစ်တောဦးစီးဌာနမှ သိရသည်။

သမဝါယမအသင်းများအပြင် အခြားတောင်သူလယ်သမားများမှ မျိုးကောင်းမျိုးသန့်မျိုးစေ့များ ဝယ်ယူလိုပါက မြို့နယ်သမဝါယမအသင်းစုထံသို့ ဆက်သွယ်မှာယူနိုင်ကြောင်း သိရသည်။

လျှပ်စစ်နှင့် စွမ်းအင်ဝန်ကြီးဌာနအနေဖြင့် နိုင်ငံတော်အစိုးရ၏ မူဝါဒဖြစ်သော ပြည်သူလူထု၏ လူနေမှုအဆင့်အတန်း မြင့်မားစေရေးအတွက် အဓိကအချက်များအနက် ကဏ္ဍတစ်ခုဖြစ်သည့် လျှပ်စစ်မီးရရှိရေးကို ဒေသအသီးသီးသို့ ဖြန့်ကြက်ဆောင်ရွက်ပေးလျက်ရှိသည်။

နိုင်ငံတကာခရီးသည်တင်လေယာဉ်များ ပျံသန်းမှုယာယီရပ်ဆိုင်းထားခြင်းကြောင့် စင်ကာပူနိုင်ငံတွင် အခက်အခဲ ကြုံတွေ့နေရသည့် မြန်မာနိုင်ငံသား ၁၄၅ ဦးအား ပဉ္စမအသုတ်အဖြစ် မြန်မာအမျိုးသားလေကြောင်းလိုင်း (Myanmar National Airlines-MNA) ကယ်ဆယ်ရေးလေယာဉ်ဖြင့် ပြန်လည်ခေါ်ဆောင်ခဲ့ရာ ရန်ကုန်အပြည်ပြည်ဆိုင်ရာ လေဆိပ်သို့ ယနေ့ ညနေ ၄ နာရီ ၁၅ မိနစ်တွင် အဆင်ပြေချောမွေ့စွာ ပြန်လည်ရောက်ရှိခဲ့ကြောင်း သိရသည်။