လွိုင်ကော်မြို့ နောင်ယားကန်နှင့် ထေးငှားလျား ရေကန်တို့တွင် ငါးသားပေါက်ကောင်ရေ (၄)သောင်းကို ယနေ့ နံနက်ပိုင်းက ကယားပြည်နယ် ငါးလုပ်ငန်းဦးစီးဌာနမှ ပြည်နယ်ဦးစီးမှူးနှင့် ဝန်ထမ်းများ က စိုက်ထည့်ပေးခဲ့သည်။

မိုးရာသီ စိုက်ပျိုးစရိတ်ချေးငွေများကို ယနေ့ နံနက်ပိုင်းမှ၍ ဧရာဝတီတိုင်းဒေသကြီး၊ မော်လမြိုင်ကျွန်းမြို့နယ် မြန်မာ့လယ်ယာဖွံ့ဖြိုးရေးဘဏ်၌ ထုတ်ချေးပေးလျက်ရှိသည်။

ဧရာဝတီတိုင်းဒေသကြီးအတွင်းရှိ မော်တော်ယာဉ်လိုင်းများအား မေ ၁၆  ရက်မှစ၍ ပြန်လည်ပြေးဆွဲခွင့် ပြုလိုက်ကြောင်း သိရသည်။

အမျိုးသားလွှတ်တော်ရုံးတွင် အသုံးပြုရန်အတွက် Coronavirus Disease 2019 (Covid-19) ကာကွယ်ရေး အထောက်အကူပြုပစ္စည်း Auto Disinfection Passage System ဖြင့် အလိုအလျောက် ဆေးဖျန်းပေးသည့်စက်များ ပေးအပ်လှူဒါန်းပွဲ အခမ်းအနားကို ယနေ့ နံနက် ၁၀ နာရီတွင် နေပြည်တော်ရှိ အမျိုးသားလွှတ်တော် ဧည့်ခန်းမ ဆောင်၌ ကျင်းပသည်။

၂၀၂၀ ပြည့်နှစ် မိုးစပါးစိုက်ပျိုးစရိတ်ချေးငွေများကို ယနေ့ နံနက် ၉ နာရီက တနင်္သာရီတိုင်းဒေသကြီး သရက်ချောင်းမြို့နယ် မြန်မာ့လယ်ယာဖွံ့ဖြိုးရေးဘဏ်ခွဲ၌ ထုတ်ပေးလျက်ရှိသည်။

ရန်ကုန်တိုင်းဒေသကြီး ဒလမြို့နယ်အတွင်း၌  တွံ့တေး၊ ကော့မှူး၊ ကွမ်းခြံကုန်းမြို့နယ်များမှ မော်တော်ယာဉ်များဖြင့် သွားလာကြသော ခရီးသည်များနှင့်  ဒေသခံ ပြည်သူများအား နှာခေါင်းစည်း တပ်ဆင်ခြင်း ရှိမရှိ စစ်ဆေးခြင်း၊ တပ်ဆင်ခြင်း မရှိသူများအား အရေးယူဆောင်ရွက်ခြင်းနှင့် နှာခေါင်းစည်းများ ပေးဝေခြင်းတို့ကို ယနေ့ နံနက် ၉ နာရီက စတင်ပြီး မြို့လယ်ခေါင် နာရီစင်အဝိုင်းတွင် စစ်ဆေးဆောင်ရွက်ခဲ့ကြသည်။