မကွေးတိုင်းဒေသကြီး၊ မင်းဘူး(စကုမြို့)နယ်တွင် မော်တော်ယာဉ်လိုင်းများကို မေ ၁၆ ရက်နေ့မှစ၍ သတ်မှတ် စည်းကမ်းချက်များနှင့်အညီ ပြန်လည်ပြေးဆွဲခွင့် ပြုသွားမည်ဖြစ်ကြောင်း မင်းဘူးမြို့ ပုဂ္ဂလိကပိုင်လုပ်ငန်းသုံး မော်တော်ယာဉ်လိုင်းများ ကြီးကြပ်ရေးကော်မတီအဖွဲ့မှ သိရသည်။

တနင်္သာရီတိုင်းဒေသကြီး ကိုဗစ်-၁၉ ရောဂါ ကာကွယ်ထိန်းချုပ်ရေးနှင့် အရေးပေါ်တုံ့ပြန်ရေးကော်မတီ၏ (၆/၂၀၂၀) လုပ်ငန်းညှိနှိုင်း အစည်းအဝေးကို ယနေ့ နံနက် ၁၀ နာရီက တိုင်းဒေသကြီး အစိုးရအဖွဲ့ရုံး၊ အစည်းအဝေးခန်းမ၌ ကျင်းပသည်။

မကွေးတိုင်းဒေသကြီးအတွင်းရှိ ယာဉ်လိုင်းများကို တစ်ခြားတိုင်းဒေသကြီး ပြည်နယ်သို့ ပြေးဆွဲခွင့် မပြုသေးသော်လည်း တိုင်းဒေသကြီးအတွင်းက မြို့နယ်အသီးသီးသို့ မော်တော်ယာဉ်လိုင်းများ မေလ ၁၆ ရက် နေ့မှ စတင်၍ ပြေးဆွဲသွားမည်ဖြစ်ကြောင်း သိရသည်။

အမျိုးသားအဆင့် စေတနာ့ဝန်ထမ်းဦးဆောင်အဖွဲ့၏ အစီအစဉ်ဖြင့် ရန်ကုန်တိုင်းဒေသကြီး အတွင်းရှိ Quarantine Center များတွင် လုပ်အားပေးဆောင်ရွက်နေသည့် စေတနာ့ဝန်ထမ်းများနှင့် မြို့နယ်များတွင် ကျန်းမာရေး စစ်ဆေးမှုများ ဆောင်ရွက်ရာတွင် လုပ်အားပေးဆောင်ရွက်မည့် စေတနာ့ဝန်ထမ်းများအတွက် ဆင့်ပွားသင်တန်း ဖွင့်ပွဲကို ယနေ့ မွန်းလွဲ ၁ နာရီတွင် ရန်ကုန်တိုင်းဒေသကြီး လူမှုဝန်ထမ်းရုံး၌ ပြုလုပ်သည်။ 

ရှမ်းပြည်နယ်အစိုးရအဖွဲ့ဝင် လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး လှဦးသည် နယ်စပ်ရေးရာဝန်ကြီးဌာန၊ နယ်စပ်ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက်ရေးဦးစီးဌာန၊ ရှမ်းပြည်နယ် ဖွံ့ဖြိုးမှုကြီးကြပ်ရေးရုံးမှ ညွှန်ကြားရေးမှူး ဦးအေးကိုနှင့်အတူ ယမန်နေ့ နံနက်ပိုင်းတွင် ၂၀၁၉-၂၀၂၀ ဘဏ္ဍာရေးနှစ် ရှမ်းပြည်နယ်အစိုးရအဖွဲ့ ခွင့်ပြုရန်ပုံငွေဖြင့် ဆောင်ရွက်လျက်ရှိသော တောင်ကြီးခရိုင်၊ ဖယ်ခုံမြို့နယ် ရီနွဲ့ကျေးရွာအုပ်စုတွင် ဆောင်ရွက်လျက် ရှိသည့် လအိ-စိန်မော့ မြေသားလမ်း (၄/၀) မိုင်အနက် (၃/၀)မိုင် ကျောက်ခင်းပြီး ကျန် (၁/၀)မိုင် အပြီးသတ် ကျောက်ခင်း ခြင်းလုပ်ငန်းနှင့် လအိ-စိန်မော့- ယန်းယော-လန်းကော- ဘူးဗြ-ဆောင်ဒူ- တိုတန် (၁၉/၀) မိုင်အနက် (၃/၀)မိုင် မြေသားလမ်း ဖောက်လုပ်ခြင်း လုပ်ငန်းခွင်များသို့ သွားရောက်စစ်ဆေးသည်။