ကိုဗစ်-၁၉ ရောဂါ ကြိုတင်ကာကွယ်ရေးလုပ်ငန်းများ ဆောင်ရွက်ရာတွင် အသုံးပြုရန်အတွက် လက်သန့်ဆေးရည်နှင့် ဆပ်ပြာရည်ဘူးများ လှူဒါန်းခြင်းကို ယနေ့နံနက်ပိုင်းက မကွေးမြို့နယ် စည်ပင်သာယာရေးကော်မတီ အစည်းအဝေးခန်းမ၌ ပြုလုပ်ခဲ့သည်။

ကချင်ပြည်နယ်အတွင်း ကိုဗစ်-၁၉ ရောဂါကာကွယ် ထိန်းချုပ်ကုသရေးလုပ်ငန်းများအတွက် အလှူငွေကျပ်သိန်း နှစ်ထောင်ကျော်နှင့် ဆေးရုံသုံးပစ္စည်းများ လှူဒါန်းပေးကြသော ကုမ္ပဏီ၊ အဖွဲ့အစည်းနှင့် လူပုဂ္ဂိုလ်များအား ကချင်ပြည်နယ်အစိုးရအဖွဲ့မှ ဂုဏ်ပြုမှတ်တမ်းလွှာများ ပြန်လည်ပေးအပ် ချီးမြှင့်ခြင်း အခမ်းအနားကို ယနေ့ နံနက်ပိုင်းတွင် ပြည်နယ်အစိုးရအဖွဲ့ရုံး၊ မလိခန်းမ၌ ကျင်းပပြုလုပ်သည်။

မန္တလေးတိုင်းဒေသကြီး၊ မိတ္ထီလာခရိုင် ကိုဗစ်-၁၉ ရောဂါ ကြိုတင်ကာကွယ် ထိန်းချုပ်ကုသရေးကော်မတီဝင် ခရိုင်စိုက်ပျိုးရေး ဦးစီးဌာန   ခရိုင်ဦးစီးမှူး ဦးစိုးသိန်း ခေါင်းဆောင်သော အဖွဲ့သည်  ယနေ့ နံနက် ၁၀ နာရီက   သာစည်မြို့နယ် ပြည်သူ့ဆေးရုံနှင့် Community Base Facility Quarantine  ဆောင်ရွက်ထားရှိမှုများကို  လိုက်လံကြည့်ရှုပြီး  မြို့နယ်မှ တာဝန်ရှိသူများနှင့်  ပေါင်းစပ်ညှိနှိုင်း ဆွေးနွေးခဲ့ကြောင်းသိရသည်။

ပြည်ထောင်စုနယ်မြေ၊ နေပြည်တော်ကောင်စီရုံး ဧည့်ခန်းမ၌ ယနေ့နံနက် (၁၀) နာရီခွဲတွင် ကိုဗစ် -၁၉ ရောဂါ ကြိုတင်ကာကွယ်ရေးလ ုပ်ငန်းများတွင် အသုံးပြုနိုင်ရန်အတွက် GRAND ROYAL Group International Co.,Ltd မှ ဦးမင်းရှိန် နှင့်အဖွဲ့က လက်သန့်ဆေးရည် (Hand Sanitizer) 500ml (၉၅၀) ဘူးအား လာရောက်လှူဒါန်းရာ နေပြည်တော်ကောင်စီ ဥက္ကဋ္ဌ ဒေါက်တာမျိုးအောင်၊ နေပြည်တော်ကောင်စီဝင် ဗိုလ်မှူးကြီးမင်းနောင် နှင့် တာဝန်ရှိသူများက လက်ခံရယူကြသည်။

နိုင်ငံသားတစ်ဦးချင်းအနေနဲ့ Lockdown လို အခြေအနေမျိုးမရောက်ရှိစေရန်နှင့် ရောက်ရှိလာပါကလည်း ပမာဏနည်းအောင်ပူးပေါင်းဆောင်ရွက်ပေးရန် မန္တလေးတိုင်းဒေသကြီး ခေတ္တဝန်ကြီးချုပ် ဦးဇာနည်အောင်က ပြောသည်။