စစ်ကိုင်းတိုင်းဒေသကြီးအတွင်း လမ်းတံတားကဏ္ဍများ ဖွံ့ဖြိုးတိုးတက်ရေးအတွက် ၂၀၁၉-၂၀၂၀ ဘဏ္ဍာ ရေးနှစ်အတွင်း ပေ (၁၈၀) အောက်တံတား တည်ဆောက်မှုလုပ်ငန်းများ (၆၃) ရာခိုင်နှုန်းပြီးစီးပြီ ဖြစ်ကြောင်း စစ်ကိုင်း တိုင်းဒေသကြီး လမ်းဦးစီးဌာနမှ ဒုတိယညွှန်ကြားရေးမှူး ဒေါ်မိုးမိုးမြင့်ထံမှ သိရသည်။

မန္တလေးတိုင်းဒေသကြီး  ညောင်ဦးမြို့နယ် ကောင်းညိုကျေးရွာနှင့် ကန်နီကြီးတဲတိုက်ရှိ ဒေသခံကျေးလက်နေပြည်သူများ သောက်သုံးရေရှားပါးမှု အခက်အခဲများ ကြုံတွေ့နေရကြောင်း သိရသဖြင့် မတ် ၂၆ ရက် ၊ နံနက် ၉ နာရီခွဲက ညောင်ဦးမြို့နယ် ဖြူစင်မေတ္တာပရဟိတ ရေလှူအသင်းနှင့် သုမင်္ဂလာ ပရဟိတရေလှူအသင်းတို့ ပူးပေါင်းအဖွဲ့က ရေသယ်ယာဉ်များဖြင့် သောက်သုံးရေများ သွားရောက်လှူဒါန်းပေးခဲ့ကြောင်း သိရသည်။ 

ဧရာဝတီတိုင်းဒေသကြီး မော်လမြိုင်ကျွန်းမြို့နယ် အမှတ်(၃)ရပ်ကွက်တွင် မတ်လ(၂၅)ရက်နေ့က အိမ်သစ် ဆောက်လုပ်ရန်အတွက် နေအိမ်ဟောင်းအား  မြေကျင်းတူးနေစဉ် လက်ပစ်ဗုံးနှင့် ကျည်ဆံဟောင်း အချို့အား တူးဖော်တွေ့ရှိခဲ့ကြောင်းသိရသည်။

စစ်ကိုင်းတိုင်းဒေသကြီး ကန့်ဘလူမြို့နယ် ခါးတောက်ရင်းကျေးရွာအုပ်စု ကံရိုးကျေးရွာမှဒေသခံတောင်သူ ၈၂ ဦး၏ လယ်ယာမြေ ဧက ၂၀ဝ ကိုလက်မှုလယ်ယာစနစ်မှ စက်မှုလယ်ယာစနစ်သို့ ပြောင်းလဲစိုက်ပျိုးနိုင်ရန် စနစ်ကျစက်မှုလယ်ယာများအဖြစ် ဖော်ထုတ်ဆောင်ရွက်လျက်ရှိကြောင်း မြို့နယ်စက်မှုလယ်ယာဦးစီးဌာနမှ သိရသည်။

ဧရာဝတီတိုင်းဒေသကြီး ဝါးခယ်မမြို့နယ်တွင်  ကိုရိုနာဗိုင်းရပ်(စ်) COVID-19 ကမ္ဘာ့ကပ်ရောဂါ ကြိုတင် ကာကွယ်၊ ထိန်းချုပ်နိုင်ရေး အတွက် ယနေ့ နံနက် ၁၀ နာရီက မရမ်းချောင် လမ်းဆုံ အဝေးပြေး လမ်း၌ ခရီးသွား ပြည်သူများအား ကျန်းမာရေးစစ်ဆေးမှုများ ဆောင်ရွက်ခဲ့ကြ