စာကြည့်တိုက်နှင့် ဝေးကွာသည့်နေရာများမှ ပြည်သူများ၊ ဌာနဆိုင်ရာဝန်ထမ်းများ ဗဟုသုတ တိုးပွားရရှိစေရန်အတွက် ရှမ်းပြည်နယ်(အရှေ့ပိုင်း)၊ ကျိုင်းတုံခရိုင်ပြန်ကြားရေးနှင့် ပြည်သူ့ဆက်ဆံရေး ဦးစီးဌာနမှ Mobile Library စနစ်ဖြင့် ဇန်နဝါရီ ၁၀ ရက် မွန်းလွဲ ၁ နာရီက မြို့နယ်စာရင်းစစ်ရုံး ဝန်ထမ်းများအား စာအုပ်များ အခမဲ့ငှားရမ်းခြင်း ကွင်းဆင်းဆောင်ရွက်ပေးခဲ့သည်။

စစ်ကိုင်းတိုင်းဒေသကြီး၊ ရွှေဘိုခရိုင်၊ ရွှေဘိုမြို့တွင် ၂၃၀ ကေဗွီ နဘား - ရွှေဘို - အုန်းတော မဟာဓာတ်အားလိုင်း(၁၇၈.၅၆)မိုင်နှင့် ၂၃၀ / ၃၃ / ၁၁ ကေဗွီ ၁၀ဝ အမ်ဗွီအေ ရွှေဘိုပင်မ ဓာတ်အားခွဲရုံဖွင့်ပွဲ အခမ်းအနားကို ဇန်နဝါရီ ၁၁ ရက် နံနက် ၉ နာရီက ရွှေဘိုပင်မဓာတ်အားခွဲရုံ၌ ကျင်းပခဲ့သည်။

စစ်ကိုင်းမြို့မှ ယာဉ်ထိန်းရဲတပ်ဖွဲ့ဝင်များသည်  ဇန်နဝါရီ ၁၁ ရက် နံနက်(၈)နာရီက  ယာဉ်စည်းကမ်း၊ လမ်းစည်းကမ်း အသိပညာပေးပြောခြင်းနှင့် လက်ကမ်းစာစောင်များ (အခမဲ့) ပေး‌ဝေခြင်းကို ဆောင်ရွက်ခဲ့ကြသည်။      

ပခုက္ကူခရိုင်၊ ရေစကြိုမြို့နယ်တွင် ဗိုလ်ချုပ်ပုံပါပိုက်ဆံများ ထုတ်ဝေသုံးစွဲခြင်းကို ဂုဏ်ပြုသောအားဖြင့် လူသုံးကုန်ပစ္စည်းများကို ဗိုလ်ချုပ်ပုံပါပိုက်ဆံဖြင့် လာရောက်ဝယ်ယူပါက   ပစ္စည်းတန်ဖိုး၏ ထက်ဝက်ဈေးနှုန်းဖြင့် ရောင်းချပေးလျက်ရှိသည်ဟု သိရသည်။

စစ်ကိုင်းတိုင်းဒေသကြီး၊ ဝန်းသိုမြို့နယ် ကျောက်တောကျေးရွာ၌ ICB-3တွင် NEP စီမံကိန်း တစ်အိမ် သုံးဆိုလာစနစ် (Solar Home System)ဖြင့် မီးလင်းရေးလုပ်ငန်းများ ဆောင်ရွက်ပြီးစီးမှု အခြေအနေများကို  တာဝန်ရှိသူများက ယမန်နေ့ နေ့လည်ပိုင်းက ကွင်းဆင်းစစ်ဆေးခဲ့ကြကြောင်း သိရသည်။