မကွေးတိုင်းဒေသကြီး၊ ပွင့်ဖြူမြို့နယ်သစ်တောဦးစီးဌာနမှ မြို့နယ်ဦးစီးမှူး ဦးအောင်မော် ဦးဆောင်သော ဝန်ထမ်းများ အဖွဲ့သည် မြို့နယ်အတွင်း သစ်တောပြုန်းတီးမှု လျော့နည်းပပျောက်စေရန်နှင့် တရားမဝင် သစ်မှောင်ခိုပြုလုပ်ခြင်းများ လျော့နည်းကျဆင်းစေရန် ရည်ရွယ်၍ နိုဝင်ဘာ ၇ ရက်၊ နံနက် ၃ နာရီအချိန်ခန့်က နယ်မြေရှင်းလင်းခြင်းလုပ်ငန်း ကွင်းဆင်း ဆောင်ရွက်ခဲ့ရာ တရားမဝင် အခြားသစ်ခွဲသား (၇)ချောင်း ၊ လုံးပတ် သုံးပေအောက် အခြားသစ်လုံး တစ်လုံး စုစုပေါင်း သုည ဒသမ ၈၃၇၆ တန်နှင့် ပေါင်သုံးဆယ်ဝင် တရားမဝင် မီးသွေးအိတ် ၁၄၉ လုံး ဖမ်းဆီးရမိခဲ့ကြောင်း သိရသည်။

မကွေးတိုင်းဒေသကြီး၊ မြို့သစ်မြို့နယ်ပတ်ဝန်းကျင်သန့်ရှင်းသာယာလှပသော သဘာဝပတ်ဝန်းကျင်ကောင်း ဖြစ်စေရန်အတွက် ဌာနဆိုင်ရာဝန်ထမ်းများ စုပေါင်း၍ အပတ်စဉ် သန့်ရှင်းရေးကို စနေေန့တိုင်းဆောင်ရွက်လျက်ရှိရာ ယေန့နံနက်(၇)နာရီက မြို့သစ်မြို့နယ် စည်ပင်ရုံးရှေ့မှ ဘောလုံးကွင်းလမ်းတစ်လျှောက် စုပေါင်းသန့်ရှင်းရေး ဆောင်ရွက်ခဲ့ကြသည်။

တနင်္သာရီတိုင်းဒေသကြီး မြိတ်မြို့ အထက(၁)ကျောင်း ပညာဗိမာန်ခန်းမတွင် ကျောင်းပညာရေးနှင့် ရသ စာပေပေါင်းကူးဆက်စပ်ပေးရန် ရည်ရွယ်ချက်ဖြင့် Pen Myanmar မှ (၁၃၄) ကြိမ်မြောက် ရသအစုန်အဆန် ရေးသူ ဖတ်သူစုန်ဆန်ပွဲကို နိုဝင်ဘာ  ၈ ရက် နေ့လယ် ၁ နာရီက ကျင်းပသည်။

တန်ဆောင်တိုင်ကာလ ရုံးပိတ်ရက်များတွင် ဒေသပြန် ခရီးသွားများ၊ဘုရားဖူးအလည်အပတ်သွားရောက်သူများ၊ ကမ်းခြေသို့ အပန်းဖြေရန် သွားရောက်သည့် ခရီးသွားများဖြင့် ယနေ့ နံနက်ပိုင်းတွင် ရန်ကုန်-ပုသိမ် အဝေးပြေး လမ်းမကြီးတစ်လျှောက်၌ အထူးပင်စည်ကားလျက်ရှိသည်။