ဖိလစ်ပိုင်နိုင်ငံ မနီလာမြို့၌ ကျင်းပမည့် (၅)ကြိမ်မြောက် အာဆီယံအားကစား ဝန်ကြီး များ အစည်းအဝေးနှင့် ဆက်စပ်အစည်းအဝေးများ တက်ရောက်ရန် ကျန်းမာရေးနှင့် အားကစားဝန်ကြီးဌာန ဒုတိယဝန်ကြီး ဒေါက်တာမြလေးစိန်သည် ယနေ့နံနက် ၉ နာရီ မိနစ် ၅၀ တွင် ရန်ကုန်မြို့မှ ထွက်ခွာသွားရာ အားကစားနှင့် ကာယပညာဉီးစီးဌာနမှ တာဝန်ရှိ သူများက ရန်ကုန်အပြည်ပြည်ဆိုင်ရာလေဆိပ်၌ ပို့ဆောင်နှုတ်ဆက်ကြသည်။

ပြည်ထောင်စုရာထူးဝန်အဖွဲ့၏ အဆင့်မြင့် အရာထမ်းစီမံခန့်ခွဲမှုသင်တန်းအမှတ်စဉ်(၁၄) ဖွင့်ပွဲအခမ်းအနားကို ယနေ့နံနက် ၉ နာရီတွင် ဗဟိုဝန်ထမ်းတက္ကသိုလ်(အောက်မြန်မာပြည်) ကေတုမတီခန်းမ၌ ကျင်းပသည်။ 

ဆက်လက်၍ လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာနရှိ ပြည်ထောင်စုဝန်ကြီးရုံးနှင့် ပြန်လည်ထူထောင်ရေးဦးစီးဌာန ဝန်ထမ်းများ၏ စေတနာအလျောက် လှူဒါန်းသည့် အလှူငွေများကိုလက်ခံပြီး ကျေးဇူးတင်စကားပြောကြားကာ ဂုဏ်ပြုမှတ်တမ်းလွှာများ ပြန်လည်ပေးအပ်ခဲ့ကြောင်း သတင်းရရှိသည်။

မြန်မာနိုင်ငံတွင် ယခုနှစ် ကိုးလကျော်အတွင်း မြေငလျင် ၁၄၃ကြိမ်ထိ လှုပ်ခတ်ခဲ့ကြောင်း မြန်မာနိုင်ငံ မြေငလျင်ကော်မတီထံက သိရသည်။

မန္တလေး အမရပူရမြို့နယ်အတွင်းရှိ သမိုင်းဝင်မဟာဝိဇယရံသီ ပုထိုးတော်ကြီးဘုရား နှစ်ပေါင်း ၂၀ဝ ပြည့် အထိမ်းအမှတ်ပွဲကို ကျင်းပသွားမည်ဖြစ်ကြောင်း ပုထိုးတော်ကြီးဘုရားဂေါပကအဖွဲ့မှ သိရသည်။