မြန်မာနိုင်ငံ၏ ဒေသမျိုးစိတ် တိုင်ရင်းကြက်မျိုးကို  ကြက်မကိုးအုပ်ထား၍ ကိုးလမွေးမြူလျှင် တစ်နှစ်စာပတ်လည် စားသုံး၍ လုံလောက်မှုရှိသဖြင့် စားဝတ်နေရေးအတွက် မွေးမြူသင့်ကြောင်း လုပ်ငန်းလုပ်ကိုင်သူများထံမှ သိရသည်။

တနင်္သာရီတိုင်းဒေသကြီး ကော့သောင်းခရိုင် ဘုတ်ပြင်းမြို့နယ် ကရသူရိမြို့ အမှတ်(၅၅၅) ခြေမြန်တပ်ရင်း၊ အရာရှိရိပ်သာ(အဟောင်း)ဆောင်၌ တိုင်းဒေသကြီး၊ တီဘီရောဂါတိုက်ဖျက်ရေး ဆရာဝန်ကြီးများအဖွဲ့သည် စက်တင်ဘာ ၆ ရက်နှင့် ၇ ရက်များတွင် နံနက်(၉)နာရီမှ ညနေ (၄)နာရီ အချိန်ထိ ဒေသခံပြည်သူများကို အခမဲ့ကျန်းမာရေးစစ်ဆေးကုသပေးမည်ဖြစ်ဖြစ်ကြောင်း သိရှိရသည်။

မန္တလေးတိုင်းဒေသကြီး ပြင်ဦးလွင်ခရိုင် မတ္တရာမြို့နယ်ရှိ တောင်ပြုံးဓာတ်အားခွဲရုံမှ  လျှပ်စစ်ဓာတ်အားဖြန့်ဖြူးပေးလျက်ရှိသော 5MVA ထရန်စဖော်မာအား 10MVA ထရန်စဖော်မာသို့ လဲလှယ်တပ်ဆင်ခြင်းလုပ်ငန်းကို စက်တင်ဘာ ၂ ရက်နေ့က ဆောင်ရွက်ခဲ့ကြောင်း သိရသည်။

မွန်ပြည်နယ်၊ ရေးမြို့နယ်၊ လမိုင်းမြို့၌  စက်တင်ဘာ  ၂ ရက်နေ့ ည ၉ နာရီခန့်က လေဆင် နှာမောင်း ဝင်ရောက်တိုက်ခတ်ခဲ့မှုကြောင့် မြို့မ(၁)ရပ်ကွက်၊ ရဲစခန်းဝင်းတွင် သစ်ပင်ကြီးများ ပြိုလဲကျခြင်း၊ မြို့မ(၁)ရပ်ကွက်၊ ကျိုက်ဇူဘုရားဝင်းတွင် သွပ်အမိုးများ ပျက်စီးလွင့်ပါခြင်း၊ မော့ကနင်ကျေးရွာ ကားဆိပ်ပိုင်းတွင် လူနေအိမ် ၃၉ လုံး သွပ်အမိုးများလွင့်စင်ခြင်း၊ မော့ကနင် ကျေးရွာ အလကခွဲတွင် သွပ်အမိုးများလွင့်စင်ခဲ့ပြီး လူနှင့် တိရစ္ဆာန်များ ထိခိုက်မှုမရှိပါကြောင်း သိရသည်။

ရန်ကုန်တိုင်းဒေသကြီး အစိုးရအဖွဲ့ ဝန်ကြီးချုပ် ဦးဖြိုးမင်းသိန်းသည် စက်တင်ဘာ ၂ ရက် နံနက် ၉ နာရီက နည်းပညာတက္ကသိုလ်(သန်လျင်) ဘွဲ့နှင်းသဘင်ခန်းမတွင် တက္ကသိုလ် ကျောင်းသား၊ ကျောင်းသူများနှင့် လည်းကောင်း၊ မွန်းလွဲ ၁နာရီတွင် ရန်ကုန်အရှေ့ပိုင်းတက္ကသိုလ် ဘွဲ့နှင်းသဘင်ခန်းမ၌ တက္ကသိုလ်ကျောင်းသား၊ ကျောင်းသူများနှင့် တွေ့ဆုံခဲ့သည်။

မန္တလေးတိုင်းဒေသကြီး၊ ကျောက်ဆည်ခရိုင်အတွက် ယခုနှစ်မိုးစပါးစိုက်ပျိုးဧက လျာထားချိန်တွင် စပါးစိုက်ပျိုးရေအတွက် ----------