ပြင်သစ်နိုင်ငံ ပဲရစ်မြို့တွင် နိုဝင်ဘာ ၃၀ ရက် နံနက်ပိုင်း၌ ကျင်းပပြုလုပ်သည့် ၂၀၂၁ ဘလွန်း ဒီအောဆုပေးပွဲတွင် ပီအက်စ်ဂျီနှင့် အာဂျင်တီးနားတိုက်စစ်မှူး လီယွန်နယ်မက်ဆီက ဘိုင်ယန်မြူးနစ် နှင့် ပိုလန်တိုက်စစ်မှူး လီဝမ်ဒေါစကီး၊ ချယ်ဆီးနှင့် အီတလီကွင်းလယ်ကစားသမား ဂျော်ဂျင်ဟိုတို့ကို ကျော်ဖြတ်ကာ အမျိုးသားဘလွန်းဒီအောဆုကို ခုနစ်ကြိမ်မြောက် ဆွတ်ခူးနိုင်ခဲ့သည်။

ကမ္ဘောဒီးယားနိုင်ငံရှိ မြို့တော်ဖနွမ်ပင်တွင် ကိုဗစ်-၁၉ ရောဂါကူးစက်ဖြစ်ပွားမှုများကြောင့် ကာလရှည်ကြာရပ်နားထားခဲ့ရသော ကာရာအိုကေခန်းများ၊ နိုက်ကလပ်များနှင့် ဘားဆိုင်များအားလုံး ပြန်လည်ဖွင့်လှစ်ရန် ယနေ့တွင် ခွင့်ပြုခဲ့သည်။

လာအိုနိုင်ငံတွင် တစ်ရက်အတွင်း ကိုဗစ်-၁၉ ရောဂါကူးစက်ခံရသူ ၁၂၉၁ ဦး ထပ်မံတွေ့ရှိခဲ့သောကြောင့် ရောဂါကူးစက်ခံရသူပေါင်း ၇၃၇၃၈ ဦးအထိ ရှိလာသည်။

အမေရိကန်ဆေးဝါးကုမ္ပဏီဖိုက်ဇာ၏ အကြီးအကဲဖြစ်သူက ၎င်းတို့ကုမ္ပဏီအနေဖြင့် အိုမီခရွန်ဗီဇပြောင်း ကိုရိုနာဗိုင်းရပ်စ် ကာကွယ်ဆေးအသစ်ကို အနည်းဆုံးရက်ပေါင်း ၁၀၀အတွင်း ရရှိနိုင်သည်ဟုဆိုသည်။

တူရကီနိုင်ငံ၏ အကြီးဆုံးမြို့ဖြစ်သော အစ္စတန်ဘူလ်တွင် ယမန်နေ့က အားကောင်းသော အနောက်တောင်လေမုန်တိုင်း တိုက်ခတ်မှုဖြစ်ပွားခဲ့ရာ သေဆုံးသူလေးဦးအထိတိုးလာသည်ဟု အစ္စတန်ဘူလ်အုပ်ချုပ်ရေးရုံးက ထုတ်ပြန်ချက်တစ်ခုတွင် ပြောကြားထားသည်။

ဗီယက်နမ်နိုင်ငံ၌ ယနေ့တွင် ကိုဗစ်-၁၉ ရောဂါကူးစက်ခံရသူ ၁၃၇၇၀ ရှိကြောင်း၊ ယင်းတို့အနက် ၁၃၇၅၈ ဦးသည် ပြည်တွင်း၌ ကူးစက်ခံရသူများဖြစ်ကြောင်းနှင့် ၁၂ ဦးသည် ပြည်ပမှ ပြန်လည်ရောက်ရှိလာသူများအနက်မှ .............