ကျိုက်ထိုမြို့နယ်၊ ကင်မွန်းချောင်းကျေးရွာ၊ ကျိုက်ထီးရိုးရင်ပြင်တော်အနီး ကျီးပါးစပ်လမ်းတွင် ဇူလိုင်၂၀ ရက် မွန်းလွဲ ၂ နာရီခွဲက၌ ယခင်ကျိုက်ထီးရိုးဘုရားပွဲတော် ကာလအတွင်း လေလံပြင်ပဈေးဆိုင်ပိုင်ရှင် ဦးမင်းမောင်(၄၀)နှစ် (၂၅ လမ်း၊ မှော်ကန် ရပ်ကွက်၊ပဲခူးမြို့၊ ပဲခူးတိုင်းဒေသကြီးနေသူ)၏ အလျားပေ(၂၀)၊အနံပေ(၃၀)ရှိ သွပ်မိုး၊ ပျဉ်ကာ၊ ပျဉ်ခင်း ပိတ်သိမ်းထားသည့် ဈေးဆိုင်တွင် ဆေးလိပ်မီးမှ တစ်ဆင့် မီးလောင်ကျွမ်းမှုဖြစ်ပွားခဲ့သည်။

စစ်ကိုင်းတိုင်းဒေသကြီး ကန့်ဘလူမြို့နယ် ဟင်သော်ကျေးရွာတွင် ဇူလိုင် ၁၉ ရက် မွန်းလွဲ ၂ နာရီ မိနစ် ၄၀ ခန့်က လင်မယားစကားများပြီး ဓားမဖြင့်ခုတ်ရာ ယောက်ျားဖြစ်သူမှာ အခင်းဖြစ်နေရာတွင် သေဆုံးခဲ့ကြောင်း သိရသည်။

မကွေးခရိုင် မြို့သစ်မြို့နယ် ညောင်ဇင်ကျေးရွာအုပ်စု၊ မကြီးကန်ကျေးရွာအနီးရှိ နတ်ကွန်းရိုးချောင်းတွင် ကျင်စက်ဖြင့်ငါးဖမ်းသည့် လူတစ်ဦး ကျင်စက်ရှော့ဖြစ်ကာ ဓာတ်လိုက်သေဆုံးကြောင်း မြို့သစ် မြို့မရဲစခန်းမှ သိရသည်။