မေ ၈ ရက် ည ၇ နာရီခွဲတွင် ရွှေပြည်သာမြို့နယ်၊ ဘုံရှည်ကုန်းကျေးရွာ၊ ညောင်ပင်သာလမ်းနေ ကို ------ သည် အမှတ်(၁)ရပ်ကွက်ရှိ SMART PALACE HOTEL၊ အခန်းအမှတ်(၃၀၃)၌ အမျိုးသမီး အဖော်ဖြစ်သူက ဘီယာခွက်အတွင်း အိပ်ဆေးခတ်ကာ ၎င်းပိုင်ပစ္စည်း ရွှေဟန်းချိန်း(၁)ခု၊ ရွှေဆွဲကြိုး(၁)ကုံး၊ ရွှေကြုတ်(၁)ခု၊ နဝရတ်ကိုးသွယ် လက်စွပ်(၁)ကွင်း၊ ဖုန်း(၂)လုံးနှင့် ငွေ(၂၅၀ဝ၀ဝ)ကျပ်၊ စုစုပေါင်း တန်ဖိုးငွေ ၁၀၃၆၄၀ဝ၀ ကျပ်တို့အား ယူဆောင်သွားသဖြင့် ရွှေပြည်သာမြို့မရဲစခန်းသို့ အမှုဖွင့် တိုင်တန်းမှု ဖြစ်ပွားခဲ့သည်။ 

မံဝိန်းကြီးနယ်မြေရဲစခန်းမှ တပ်ဖွဲ့ဝင်များပါဝင်သော ပူးပေါင်းအဖွဲ့သည် မေ ၂၃ ရက် နံနက် ၈ နာရီခွဲက မံစီမြို့နယ်၊ မံဝိန်းကြီးကျေးရွာအနီးရှိ လယ်ကွင်းအစပ်တွင်တွေ့ရှိသူ ဆန်းထွန်းနှင့် မခါးရာ တို့အား စစ်ဆေးရှာဖွေရာ ဘိန်းဖြူ ၅၃ ဒသမ ၉ ဂရမ်နှင့် စိတ်ကြွရူးသွပ်ဆေး ၂,ဝ၅၈ ပြားတို့ကို သိမ်းဆည်းရမိခဲ့သည်။ 

ရှမ်းပြည်နယ် (မြောက်ပိုင်း) လားရှိုးမြို့ရှိ နမ့်ကျန်ရေလောင်တမံတွင်  မေလ ၂၃ ရက်က အမျိုးသားတစ်ဦး ရေနစ်ပျောက်ဆုံးသွားရာ ကယ်ဆယ်ရေးလုပ်ငန်းများ ဆက်တိုက်ရှာဖွေမှုများပြုလုပ်ခဲ့ပြီး ယနေ့ မွန်းလွဲ ၁၂ နာရီ ၄၈ မိနစ်တွင် အဆိုပါ အမျိုးသားအား သေဆုံးလျက် ပြန်လည်တွေ့ရှိပြီဖြစ်ကြောင်း သိရသည်။

ကချင်ပြည်နယ် မိုးကောင်းမြို့နယ် ကညင်မြိုင်ကျေးရွာ၌ ယနေ့ နံနက် ၁၀ နာရီ ၄၅ မိနစ်က တုန်ဖုန်းယာဉ်နှင့် ဆိုင်ကယ်တိုက်မိမှုဖြစ်ပွားခဲ့ရာ ဆိုင်ကယ်စီးနင်းလာသူသုံးဦး သေဆုံးခဲ့ကြောင်း သိရသည်။

ဂျပန်ရဲတပ်ဖွဲ့က အကြီးစား ဖုန်းလိမ်လည်မှုနှင့် ပတ်သက်၍ ထိုင်းနိုင်ငံ ဘန်ကောက်မှ  လွှဲပို့ပေးသည့် ဖုန်းဖြင့် လိ်မ်လည်မှု  သံသယရှိသူ ၁၅ ဦးကို ယနေ့ ဖမ်းဆီးခဲ့ကြောင်း သိရသည်။