မကွေးတိုင်းဒေသကြီး ၊ ပွင့်ဖြူမြို့နယ်အတွင်းရှိ မုန်းချောင်းအနီးကျေးရွာများအား ကမ်းပါးပြိုကျမှုအန္တရာယ် လျော့နည်းသက်သာစေရန်အတွက် ရည်ရွယ်၍ မြို့နယ်သစ်တောဦးစီးဌာနမှ မုန်းချောင်းတစ်လျှောက် ကမ်းပြိုကာကွယ်ရေး ယူကလစ်ပင်နှင့် ဗာတီဗာမြက်မျိုးများ စိုက်ပျိုးဆောင်ရွက်ထားရှိကြောင်း ပွင့်ဖြူမြို့နယ်သစ်တောဦးစီးဌာနမှ မြို့နယ်ဦးစီးမှူး ဦးအောင်မော် ထံမှ သိရသည်။ 

ကရင်ပြည်နယ်၊  ရှမ်းရွာသစ်မြို့ရှိ လှိုင်းဘွဲ-ရှမ်းရွာသစ် ကားလမ်းပေါ်ရှိ မိုးပျံတံတား ချဉ်းကပ်လမ်းသည် ဩဂုတ် ၅ ရက်က တောင်ကျရေတိုက်စားမှုကြောင့် ပြိုကျမှုဖြစ်ပေါ်ခဲ့ရာ ပြင်ဆင်ဆောင်ရွက်လျက်ရှိကြောင်း သိရသည်။

ရန်ကုန်တိုင်းဒေသကြီး ဒလမြို့နယ် ဒလ-တွံတေး ကားလမ်းမကြီးဘေး ဘုရင့်နောင်ရပ်ကွက်တွင်၂၄ နာရီ ဖွင့်လှစ်ရောင်းချသည့် မိုးပျံအဆင့်မြင့် လက်ဘက်ရည်နှင့် စားဖွယ်စုံဆိုင်တွင် လာရောက်စားသုံးသူများ မေ့ကျန်ခဲ့သည့်ပစ္စည်းများအား ပြန်လည်လာရောက် ယူဆောင်နိုင်ရန် ရည်ရွယ်ကာ မေ့ကျန်ပစ္စည်းထိန်းသိမ်း ထားရှိသည့် နေရာ(search box) ထားရှိပေးထားကြောင်း သိရသည်။

မကွေးတိုင်းဒေသကြီး မင်းဘူးခရိုင် မင်းဘူး မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနက ကုလားပါးကျေးရွာအုပ်စု၊ ကုလားပါးကျေးရွာ၌ အကောင်အထည်ဖော် ဆောင်ရွက်နေသော ကျေးလက်ကုန်ထုတ်လမ်း လုပ်ငန်းများ ရာနှုန်းပြည့်ပြီးစီးသွား ကာစတင်အသုံးပြု နိုင်ပြီဖြစ်၍ ကျေးရွာရှိ တောင်သူများ၏ လယ်ယာထွက်ကုန်များ ကို ဈေးကွက်သို့ အချိန်မီပေးပို့နိုင်ပြီဖြစ်ကြောင်း သိရသည်။

ရန်ကုန်မြို့တော် စည်ပင်သာယာနယ်နိမိတ် ၃၃ မြို့နယ်ပြင်ပတွင်ရှိသည့်  မြို့နယ် ၁၁ မြို့နယ်တွင် မြို့နယ်အလိုက် စက်မှုဇုန်များ ဖော်ဆောင်သွားမည်ဖြစ်ကြောင်း ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်းက ပြောကြားသည်။

ယခုနှစ်အတွင်း Yangon Water Bus မှ ခရီးစဉ် လမ်းကြောင်းအသစ်များ တိုးချဲ့ပြေးဆွဲနိုင်ရန်အတွက် ဆိပ်ကမ်းများကို ပြင်ဆင်ဆောက်လုပ်နေကြောင်း ရန်ကုန်တိုင်းဒေသကြီး သယ်ယူပို့ဆောင်ရေး ကြီးကြပ်ကွပ်ကဲမှု အာဏာပိုင်အဖွဲ့ (YRTA) မှ အတွင်းရေးမှူး ဒေါက်တာမောင်အောင်က ပြောကြားသည်။