မန္တလေးတိုင်းဒေသကြီး၊ ကျောက်ပန်းတောင်းမြို့နယ် ပုပ္ပားတောင်ကလပ်တွင် တောင်ကလပ်ဂေါပကအဖွဲ့၏ ဉီးဆောင်မှုဖြင့် အမှိုက်ကောက်လှုပ်ရှားမှု ရက်သတ္တပတ်အဖြစ် စုပေါင်းသန့်ရှင်းရေးဆောင်ရွက်ခြင်းကို ဩဂုတ် ၄ ရက် နံနက် ၈ နာရီက စတင်ဆောင်ရွက်ခဲ့ကြသည်။

ရေစကြိုမြို့နယ်တွင် ကြွပ်ကြွပ်အိတ်အသုံးပြုမှု လျှော့ချရေးနှင့် အသိပညာပေးလုပ်ငန်းများကို သြဂုတ် ၄ ရက် နံနက် ၉ နာရီက ရေစကြိုမြို့မဈေးတွင် ဆောင်ရွက်ခဲ့ကြောင်း သိရသည်။

စာကြည့်တိုက်အလုပ်ရုံဆွေးနွေးပွဲကို ပေါင်းတည်မြို့နယ် ကြူတောကံရွာ အခြေခံပညာအလယ်တန်းကျောင်းတွင် သြဂုတ် ၂ ရက် မွန်းလွဲ  ၁ နာရီက ကျင်းပရာ ဆရာ ဆရာမများ၊ ကျောင်းသားကျောင်းသူများ၊ မိဘပြည်သူများ၊ မြို့နယ်ပြန်ကြားရေးနှင့် ပြည်သူ့ဆက်ဆံရေဦးစီးဌာနမှ တာဝန်ရှိသူများ၊ မြို့နယ်စာပေချစ်သူအဖွဲ့ဝင်များ ၂၅၀ ကျော် တက်ရောက်ကြသည်။

မြန်မာတို့သည် ရှေးအစဉ်အဆက်ကတည်းက ရိုးရာအိမ်အသုံးအဆောင်ပရိဘောဂ ပစ္စည်းများကို သစ်သားများဖြင့် ပုံဖော်ကာသုံးစွဲလာခဲ့ကြသည်။ ယခုအခါ သစ်တောများပြုန်းတည်းမှုများရှိလာပြီး သစ်သား(ကျွန်းသား) ရှားပါးလာပြီး အိမ်အသုံးအဆောင် ပရိဘောဂပစ္စည်းများကို စတီးသံပန်းများဖြင့် အစားထိုး အလှဆင်ကာ လွယ်ကူပေါ့ပါးစွာ သုံးစွဲမှုများလာကြောင်း စတီးသံပန်းလက်မှုပညာရှင်များထံမှ သိရသည်။     

ရန်ကုန်တိုင်းဒေသကြီး အစိုးရအဖွဲ့ဝန်ကြီးချုပ်၏ လမ်းညွှန်မှုနှင့်အတူ စီစဉ်ဆောင်ရွက်သော ကျူး (Smart Card)ရှိသူများ နေထိုင်နိုင်ရန် အိမ်ရာဆောက်လုပ်ပေးရေး ညှိနှိုင်းအစည်းအဝေးကို ယမန်နေ့ နံနက် ၁၀ နာရီက ဒဂုံမြို့သစ်(တောင်ပိုင်း)မြို့နယ် အထွေထွေအုပ်ချုပ်ရေးမှူးရုံးတွင် သက်ဆိုင်ရာ တာဝန်ရှိသူများ၊ NGO များနှင့်အတူ တွေ့ဆုံစည်းဝေး ဆွေးနွေးခဲ့ကြကြောင်း သိရသည်။