စစ်ကိုင်း ကောင်းမှုတော်ဘုရားကြီးအား အများပြည်သူ ဖူးမြော်နိုင်ရန် ယနေ့ စတင်ဖွင့်လှစ်ကာ ဈေးသည်များကိုလည်း သတ်မှတ်ချက်များနှင့်အညီ ပြန်လည်ရောင်းချခွင့်ပြုထားကြောင်း သိရသည်။

မုံရွာခရိုင်အတွင်း အာဖရိက ဝက်အပြင်းဖျား ရောဂါမဖြစ်ပွားစေရေး ဇီဝလုံခြုံရေးကို အထူးဂရုပြုကြရန် လိုအပ်ကြောင်း မုံရွာခရိုင် မွေးမြူရေးနှင့်ကုသရေး ဦးစီးဌာနမှ ခရိုင်ဦးစီးမှူး ဒေါက်တာသောင်းစိန်၏ ပြောကြားချက်အရ သိရသည်။

မန္တလေးတိုင်းဒေသကြီး၊ မိတ္ထီလာမြို့နယ် အပူပိုင်းဒေသ စိမ်းလန်းစိုပြည်ရေး ဦးစီးဌာနမှ ကျေးလက်နေပြည်သူများ၏ အခြေခံသစ်တောထွက် ပစ္စည်းများ ဖြည့်ဆည်းပေးရန်အတွက် ကျေးရွာသုံး စိုက်ခင်း ဧက ၁၀၀ နှင့် အခြားစိုက်ခင်း ၂၅ ဧကတို့တွင် ပျိုးပင်ပေါင်း ၈၈၀၀၀ ကျော် စိုက်ပျိုးပြီးစီးပြီဖြစ်ကြောင်း သိရသည်။

ချင်းပြည်နယ်  လိုင်လင်းပီမြို့ လျှပ်စစ်ဓာတ်အား ဖြန့်ဖြူးရေးလုပ်ငန်းမှ ပြည်နယ်ခွင့်ပြုရန်ပုံငွေများဖြင့် အကောင်အထည်ဖော် ဆောင်ရွက်လျက်ရှိသည့် ၄၀၀ ဗို့ ဓာတ်အားလိုင်း တိုးချဲ့ တည်ဆောက်ခြင်းလုပ်ငန်းများဆောင်ရွက်လျက်ရှိခြင်းကြောင့် ယခုအခါ  မြို့ပေါ်နေပြည်သူများ မီးသုံးစွဲမှု ရာခိုင်နှုန်းအနေဖြင့် ၅၀ ရာခိုင်နှုန်း ရောက်ရှိပြီဖြစ်ကြောင်း သိရသည်။