ကယားပြည်နယ်လုံးဆိုင်ရာ (၁၉)ကြိမ်မြောက်၊ ပအိုဝ်းအမျိုးသားနေ့ အခမ်းအနားကို  မတ် ၈ ရက် နံနက် ပိုင်းတွင် လွိုင်ကော်မြို့နယ်၊ နွားလဝိုးကျေးရွာအုပ်စု ပဒါးညေးကျေးရွာ၌ ကျင်းပပြုလုပ်ရာ ကယားပြည်နယ် ဝန်ကြီးချုပ်၊ ပြည်နယ်စည်ပင်သာယာရေးနှင့် လူမှုရေးဝန်ကြီး၊ ဗမာတိုင်းရင်းသား လူမျိုးရေးရာဝန်ကြီး၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်၊ ပြည်နယ်အစိုးရအဖွဲ့ အတွင်းရေးမှူး၊ ပြည်နယ်/ ခရိုင်/ မြို့နယ် အဆင့် ဌာနဆိုင်ရာ တာဝန်ရှိသူများ၊ ကယားပြည်နယ်အတွင်းရှိ ပအိုဝ်း တိုင်းရင်းသား/ တိုင်းရင်းသူများ တက်ရောက်ကြသည်။

ကားတင်သွင်းခွင့် ပါမစ်များ ဆိုင်းငံ့ထားပြီးနောက် ကားဈေးကွက် တည်ငြိမ်ကာ အရောင်းအဝယ် ပုံမှန်ဖြစ်နေကြောင်း Car DB ၏ မားကတ်တင်း မန်နေဂျာ ကိုမျိုးသီဟက ပြောသည်။ 

တောင်သူများ သီးနှံအထွက်နှုန်းတိုးပွားရေး သဘာဝမြေဆွေး(ဘိုကာရှီ)ပြုလုပ်နည်း လက်တွေ့သရုပ်ပြခြင်းကို ယမန်နေ့ နံနက်ပိုင်းက မန္တလေးတိုင်းဒေသကြီး ညောင်ဦးမြို့နယ် ကူရွာကျေးရွာတွင် ပြုလုပ်ခဲ့သည်။

ဒလမြို့မှ ကျိုက်လတ်မြို့သို့ ခရီးသည် ပို့ဆောင်ပြေးဆွဲလျက်ရှိသော ပိုင်ဧရာယာဥ်လိုင်းမှ တပေါင်းလပြည့်နေ့ (မတ်လ ၈ ရက်) နေ့တွင် ခရီးသည်များအား အခမဲ့ကုသိုလ်ယူ ပြေးဆွဲပေးခဲ့ကြောင်း သိရသည်။

သီးနှံ(စပါး)မျိုး ပြောင်းလဲစိုက်ပျိုးရေး နည်းပညာဆိုင်ရာ ဆွေးနွေးပွဲကို ယနေ့ နံနက်ပိုင်းက စစ်ကိုင်းတိုင်းဒေသကြီး ခန္တီးမြို့ ခရိုင်စိုက်ပျိုးရေးရုံး၌ ပြုလုပ်ခဲ့သည်။